გიორგი ვოლსკი ნორვეგიის სამეფოს ელჩს შეხვდა

პარლამენტის თავმჯდომარის პირველი მოადგილე, გიორგი ვოლსკი ნორვეგიის სამეფოს საგანგებო და სრულუფლებიან ელჩს საქართველოში, ჰელენ სანდ ანდრესენს შეხვდა. ამის შესახებ „ინტერპრესნიუსს“ საქართველოს პარლამენტიდან აცნობეს.

მათივე ინფორმაციით, მხარეებმა, ქვეყნის საშინაო და საგარეო პოლიტიკა მიმოიხილეს. ყურადღება გაამახვილეს ოკუპაციის საკითხებზე, იქ არსებულ ვითარებაზე და კავკასიის რეგიონში რუსეთის პოლიტიკაზე.

მხარეებმა მსოფლიოში COVID-19 - ის კუთხით არსებული ვითარება მიმოიხილეს. დიპლომატმა მაღალი შეფასება მისცა საქართველოს ხელისუფლების მიერ პანდემიის წინააღმდეგ გატარებულ ღონისძიებებს.

ამასთან, აცხადებენ რომ შეხვედრისას, მხარეებმა მოახლოებულ საპარლამენტო არჩევნებზე ისაუბრეს. ელჩმა კმაყოფილება გამოხატა ქვეყანაში განხორციელებული საკონსტიტუციო ცვლილებებისა და შეცვლილი საარჩევნო სისტემის გამო და იმედი გამოთქვა, რომ მოახლოებული საპარლამენტო არჩევნები მაღალ დონეზე, საერთაშორისო დემოკრატიული ქვეყნების სტანდარტით ჩატარდება, რაც საქართველოს რეალურად, ახასიათებს.

მხარეები ურთიერთანამშრომლობის კიდევ უფრო გაძლიერებაზე შეთანხმდნენ.

„ჰელენ სანდ ანდრესენი ნორვეგიის პირველი ელჩია რეზიდენციით საქართველოში, რომელიც საგანგებო ყურადღებას მიაქცევს სხვადასხვა უწყებებთან ურთიერთობების განვითარებას, მათ შორის პარლამენტთან. შევთანხმდით, რომ ჩვენი ურთიერთობები მომავალშიც გაგრძელდება და იქნება ინტენსიური. როგორც ელჩმა აღნიშნა, მათი საგანგებო ინტერესის საგანს ადამიანის უფლებები და სასამართლო სისტემის რეფორმირების პროცესი წარმოადგენს“, - განაცხადა შეხვედრის დასრულების შემდეგ, პარლამენტის თავმჯდომარის პირველმა მოადგილემ, გიორგი ვოლსკიმ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)