თურქეთის საგარეო უწყება - აია-სოფიას გახსნაზე გამოხატული რეაქციით საბერძნეთმა კიდევ ერთხელ წარმოაჩინა მტრული დამოკიდებულება თურქეთის მიმართ

აია-სოფიას მორწმუნეებისთვის გახსნაზე გამოხატული რეაქციით საბერძნეთმა კიდევ ერთხელ წარმოაჩინა მტრული დამოკიდებულება ისლამისა და თურქეთის მიმართ, - ამის შესახებ თურქეთის საგარეო საქმეთა სამინისტროს პრესსპიკერის ჰამი აკსოის მიერ გავრცელებულ განცხადებაშია ნათქვამი.

მისივე თქმით, თურქეთის საგარეო საქმეთა სამინისტრო მკაცრად გმობს საბერძნეთის მთავრობისა და პარლამენტის წევრების მტრულ განცხადებებს, ისევე როგორც თურქეთის დროშის დაწვის ფაქტს საბერძნეთის ქალაქ სალონიკში.

ცნობისათვის, აია-სოფიას მეჩეთად გადაკეთების გამო საბერძნეთის პრემიერ-მინისტრმა კირიაკოს მიცოტაკისმა თურქეთი გააკრიტიკა და „პრობლემის შემქმნელი“ უწოდა.

შეგახსენებთ, გუშინ, 86 წლის შემდეგ პირველად, აია-სოფიაში მუსლიმთა პარასკევის ლოცვა ჩატარდა, რომელსაც თურქეთის პრეზიდენტი, რეჯეფ თაიფ ერდოღანიც დაესწრო. მედიის ინფორმაციით, გუშინვე საბერძნეთში მართლმადიდებელმა მორწმუნეებმა აქცია გამართეს და აია-სოფიას მეჩეთად გადაკეთება გააპროტესტეს, დემონსტრანტების ერთმა ჯგუფმა კი ქალაქ სალონიკში თურქეთის დროშა დაწვა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს