ინდოეთმა კორონავირუსის საწინააღმდეგო პოტენციურ ვაქცინაზე კლინიკური ცდები დაიწყო, - ამის შესახებ ინფორმაციას „დოიჩე-ველე“ ავრცელებს. გამოცემის ცნობით, ინდოეთის სამედიცინო მეცნიერების ინსტიტუტმა (AIIMS) განაცხადა, რომ მან კორონავირუსის საწინააღმდეგო პოტენციური ვაქცინა- „კოვაქსინის“ პირველი დოზა უკვე გამოიყენა.

ცნობისათვის, ინდოეთში წარმოებული პოტენციური ვაქცინა ერთ-ერთია იმ 20-მდე ვაქცინას შორის, რომელზეც მსოფლიოს სხვადასხვა ქვეყანაში კლინიკური ცდები ხორციელდება. ბოლო მონაცემებით, ინდოეთში კორონავირუსის 1.3 მილიონზე მეტი შემთხვევაა დადასტურებული, 31 425 ადამიანი კი დაღუპულია. კოვიდინფიცირებულთა რაოდენობით ინდოეთი მესამე ქვეყანაა მსოფლიოში აშშ-სა და ბრაზილიის შემდეგ.