თაკო ჩარკვიანი - ვიცი, რომ „ნაცმოძრაობაში“ გიორგი ვაშაძის მიმართ დიდი სიმპათია ბევრს აქვს

ვიცი, რომ „ნაციონალურ მოძრაობაში“ გიორგი ვაშაძის მიმართ დიდი სიმპათია ბევრს აქვს“, -ამის შესახებ „კანონი და სამართალის დამფუძნებელმა თაკო ჩარკვიანმა ახალი პლაფტორმა "სტრატეგია აღმაშენებლის" პრეზენტაციის შემდეგ ჟურნალისტებთან განაცხადა.

თაკო ჩარკვიანის თქმით, ამ ეტაპზე პოლიტიკურ ოპონენტებს შორის პოლემიკის დრო არ არის და დასავლური ვექტორი უნდა გაძლიერდეს.

„რაც შეეხება კოალიციას „ძალა ერთობაშია”, დიდი გამარჯვება იყო საპრეზიდენტო არჩევნებზე - 900 ათასი ხმა, მაგრამ შევთანხმდეთ, რომ პოლარიზებამ გამოიწვია ზუსტად მეორე ტურის შედეგი. ახლაც იგივეა. რა დროს ოპონენტების ქილიკია და კრიტიკა. ორიენტირებულები ვართ დასავლური ვექტორის ოპონენტები ვესაუბროთ ერთმანეთს. უთანხმოება რომ ყოფილიყო, „ძალა ერთობაშიას” ლიდერები პირდაპირ ეთერში ჩემს კანდიდატურას საბურთალოს მაჟორიტარად მხარს არ დაუჭერდნენ. რა ქნას მეტი იმ ხალხმა. რაც შეეხება პრემიერობის კანდიდატს, შესაძლოა, დიდ პარტიას თავისი სურვილები ჰქონდა, ეს ნორმალური პოლიტიკური პროცესია, მაგრამ უარი საქართველოში შეიძლება მხოლოდ ხალხმა თქვას. მიმაჩნია, რომ მთავრობის სავარაუდო ფორმირების გარეშე დღეს მისვლა არჩევნებზე დიდი შეცდომა იქნება. მე ვიცი, რომ „ნაციონალურ მოძრაობაში“ ვაშაძის მიმართ დიდი სიმპათია ბევრს აქვს, ამას რომ არ გამოეწვია რაღაც, ახლა არ არის დრო იმისა, რომ ჩვენ რაღაც პოლემიკის რეჟიმში დავდგეთ. დასავლური ვექტორი დღეს, როგორც არასდროს, კიდე უნდა დაუდგეს ერთმანეთს დიდ პარტნიორობაში სამომავლოდ, მაგრამ ახლა ბევრი საეჭვო ვექტორია“,- განაცხადა ჩარკვიანმა

ცნობისთვის, გიორგი ვაშაძემ „ძალა ერთობაშია“ დატოვა და ახალი კამპანია დაიწყო. გიორგი ვაშაძე, თაკო ჩარკვიანი და "სტრატეგია აღმაშენებლის" ექსპერტები ახალ პოლიტიკურ გაერთიანებას ქმნიან.