„სამართლიანი არჩევნების“ აღმასრულებელი დირექტორი - საერთაშორისო პარტნიორები მოუწოდებენ ხელისუფლებას, ყურადღება მიაქციონ არჩევნებს

საერთაშორისო პარტნიორები მოუწოდებენ ხელისუფლებას, ყურადღება მიაქციონ არჩევნებს, - ამის შესახებ „სამართლიანი არჩევნებისა და დემოკრატიის საერთაშორისო საზოგადოების" აღმასრულებელმა დირექტორმა, ელენე ნიჟარაძემ, აშშ-ის სახელმწიფო მდივნის, მაიკ პომპეოს განცხადების შეფასებისას განაცხადა, სადაც პომპეო პრემიერ გიორგი გახარიას თავისუფალი, სამართლიანი და გამჭვირვალე არჩევნების ჩატარების მნიშვნელობის შესახებ ესაუბრა.

ელენე ნიჟარაძის განცხადებით, საერთაშორისო პარტნიორებისთვის საქართველო მნიშვნელოვანი ქვეყანაა და მიმდინარე პოლიტიკურ მოვლენებს აქტიურად აკვირდებიან.

„ჩვენი საერთაშორისო პარტნიორები, პირველ რიგში, ამერიკის შეერთებული შტატები, ძალიან აქტიურად აკვირდება იმ პოლიტიკურ პროცესებს, რაც მიმდინარეობს ქვეყანაში. წინ გველოდება ყველაზე მნიშვნელოვანი საპარლამენტო არჩევნები, რაც მომავალი 4 წლის განმავლობაში ქვეყნის პოლიტიკურ ცხოვრებას განსაზღვრავს.

რა თქმა უნდა, საერთაშორისო პარტნიორები, განსაკუთრებული ყურადღებით აკვირდებიან იმ მოვლენებს, რაც მიმდინარეობს ქვეყანაში. ამას ადასტურებს მათ მიერ გაკეთებული განცხადებები, ვიცით, რომ ინტენსიურად იყვნენ ჩართულები საქართველოში მიმდინარე მოვლენებზე, საარჩევნო რეფორმაში, საარჩევნო სისტემასთან დაკავშირებული საკითხების განხილვაში ახორციელებდნენ ფასილიტაციას.

შესაბამისად, ჩვენმა პოლიტიკურმა აქტორებმა უნდა იცოდნენ, რომ ეს ინტერესი არ შემცირებულა მათი მხრიდან. საერთაშორისო პარტნიორებისთვის საქართველო მნიშვნელოვანია.

იქიდან გამომდინარე, რომ ჩვენთან ძალიან დაძაბული პოლიტიკური გარემო იყო, პოლარიზება ამჟამადაც არსებობს საზოგადოებაში, შეიძლება ეს განცხადება განვიხილოთ, რომ საერთაშორისო პარტნიორები მოუწოდებენ ხელისუფლებას ყურადღება მიაქციონ არჩევნებს, იმ პოლიტიკურ მოვლენებს, რაც ქვეყანაში ვითარდება. შესაბამისად, უზრუნველყონ სამართლიანი და თანასწორი, კონკურენტული არჩევნების ჩატარება. ამას ქვეყნის განვითარებისთვის ძალიან დიდი მნიშვნელობა აქვს“,-განაცხადა ელენე ნიჟარაძემ.

ცნობისთვის, საქართველოს პრემიერ-მინისტრ გიორგი გახარიასა და აშშ-ის სახელმწიფო მდივან მაიკ პომპეოს შორის სატელეფონო საუბარი შედგა. აშშ-ის სახელმწიფო დეპარტამენტის მიერ გავრცელებული ინფორმაციის თანახმად, გიორგი გახარიასთან საუბრისას მაიკ პომპეომ ხაზი გაუსვა საქართველოში თავისუფალი და სამართლიანი არჩევნების ჩატარების აუცილებლობას.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა