1-ელ აგვისტოს, 18:00 საათზე ზუგდიდის ბოტანიკური ბაღის ღია ბიბლიოთეკაში ( გამსახურდიას #1) ინტერაქციული წიგნის "ფენიქსის" წარდგენა გაიმართება.ავტორები, თეა ინასარიძე, ტორესა მოსი, ელის დოჯსონი და ნიკოლას მაჩაბელი, ამჯერად, ზუგდიდელ მკითხველს შეხვდებიან და სხვანაირ წიგნს წარადგენენ, აქ სწორედ მკითხველი იღებს მონაწილეობას სიუჟეტის ფორმირებაში. ირჩევს გაგრძელებას და თავად ადგენს მისთვის სასურველ ალტერნატიულ რეალობას.
რა არის "ფენიქსი"? რომელ ალტერნატიულ გაგრძელებასა და დასასრულს აირჩევ შენ? სიუჟეტის განვითარების რომელ ხაზს გაყვები? რომელი ჟანრი იქნება შენთვის სასურველი: დრამა, თრილერი, მისტიკა, სათავგადასავლო თუ დეტექტივი?თხუთმეტი ნაწილისგან შემდგარ რომანს, რამდენიმე ალტერნატიული გაგრძელება და რვა, ერთმანეთისგან განსხვავებული დასასრული აქვს.
ცნობისთვის, დასწრება თავისუფალია. აუცილებელია დაიცვათ ჯანდაცვის სამინისტროს რეგულაციები და გეკეთოთ პირბადე. მოსულ სტუმრებს, შესაძლებლობა ექნებათ, დაუსვან ავტორებს კითხვები, გადაიღონ მათთან ერთად ფოტოები და აიღონ ავტოგრაფები. ღონისძიებაძე ასევე იქნება წიგნების გამოფენა-გაყიდვა. დამატებითი ინფორმაცია იხილეთ ბმულზე: https://www.facebook.com/events/1093177567743331/