რომან გოცირიძე - რა ტონითაც სააკაშვილი ლაპარაკობდა ივანიშვილზე და ხელისუფლებაზე, იმ სიტყვებს ამბობენ დღეს ამერიკელები და ევროპარლამენტარები

რა ტონითაც ერთი წლის წინ მიხეილ სააკაშვილი ლაპარაკობდა ივანიშვილზე და საქართველოს ხელისუფლებაზე, ზუსტად იმ სიტყვებს ამბობენ დღეს ამერიკელები და ევროპარლამენტარები,- ასე გამოეხმაურა ფრაქცია „ნაციონალური მოძრაობის" თავმჯდომარე რომან გოცირიძე მიხეილ სააკაშვილის განცხადებას, რომ „ქართულ ოცნებას" ენის მოჩლექვით საუბარი არ ესმის.

მისი თქმით, დასავლეთში გვიან, მაგრამ მაინც გაიგეს „ვისთან აქვთ საქმე" და ამას მოწმობს მათ შორის, აშშ-ის კონგრესის დოკუმენტი, ასევე მაიკ პომპეოს განცხადება გახარიასთან სატელეფონო საუბრის შემდეგ.

„ამერიკის კონგრესის „რესპუბლიკური პარტიის“ დოკუმენტშია ნახსენები, რომ ივანიშვილი რუსეთის კაცია და დესტაბილიზაციის ფაქტორია საქართველოში. ეს სიტყვები ვიღაცას ეგონება მიხეილ სააკაშვილის განცხადება, სინამდვილეში ეს არის "რესპუბლიკური პარტიის" დოკუმენტი. ქვეყანაში არის ოლიგარქიული მმართველობა, უკვე ამერიკის კონგრესის თავდაცვის ბიუჯეტთან დაკავშირებულ დოკუმენტში იქნა მითითებული, რომელიც მიიღო წარმომადგებელთა პალატამ. ამერიკელი ექსპერტების დღევანდელი განცხადებები 100 პროცენტიანი ალბათობით ადასტურებს, რომ მას მიიღებს, ასევე, სენატი და 15 პროცენტიანი სანქცია თავდაცვის ხარჯების გაყინვისა, სიტყვა - სიტყვით ამ ფორმით გავა, მათ შორის, იმ ჩანაწერებით, სადაც მოხსენიებულია ქვეყანაში არაფორმალური მმართველობა. დასავლეთი უკვე საუბრობს იმ სიტყვებით, რომლითაც ოპიზიცია მოიხსენიებდა ხელისუფლებას. გაიგეს ვისთან აქვთ საქმე, სამწუხაროდ, გვიან, მაგრამ გაიგეს და სწორედ ამის შედეგი იყო საკონსტიტუციო ცვლილებები და ახალ საარჩევნო სისტემაზე გადასვლაც. საერთაშორისო ზეწოლის და პირადი სანქციების შიში ბიძინა ივანიშვილს ბევრ დათმობაზე წაიყვანს. მთავარი, რა განცხადებაც გაკეთდა აშშ - ის სახელმწიფო მდივნის მიერ, რომელიც დაიდო ტვიტერზე იყო - არ გაბედოთ არჩევნების გაყალბება, ხელი არ წაგიცდეთ საარჩევნო ყუთისკენ და მანიპულაციებისკენ, თორემ ძალიან მკაცრად დაისჯებით - აი ეს იყო ნათქვამი. ძალაუფლების მიტაცებას და არჩევნების გაყალბებას ბიძინა ივანიშვილს არავინ აპატიებს,"- განაცხადა გოცირიძემ.

ცნობისთვის, საქართველოს ყოფილმა პრეზიდენტმა მიხეილ სააკაშვილმა განაცხადა, რომ დასავლეთი კრიტიკულია ივანიშვილის რეჟიმის მიმართ, მაგრამ, მაინც გამოიყენება დიპლომატიური ენა. „ივანიშვილს და მის დამქაშებს არ ესმით ენის მოჩლექვა,"- აცხადებს სააკაშვილი.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა