იუსტიციის უმაღლესი სკოლის ორგანიზებით ტრენინგები გაიმართა  თემაზე: „ბავშვის უფლებათა კოდექსი“

იუსტიციის უმაღლესი სკოლის ორგანიზებით, 27 ივნისიდან 26 ივლისის ჩათვლით, USAID PROLoG-ის მხარდაჭერით, მოსამართლეთათვის კასკადური სახის ტრენინგები გაიმართა თემაზე: „ბავშვის უფლებათა კოდექსი’’. ამის შესახებ „ინტერპრესნიუსს“ იუსტიციის უმაღლესი სკოლიდან აცნობეს.

მათივე ინფორმაციით, ახალი კოდექსი, რომელიც 2020 წლის სექტემბრიდან შედის ძალაში, მიზანად ისახავს ბავშვის კეთილდღეობის უზრუნველყოფას საქართველოს კონსტიტუციის, ბავშვის უფლებათა კონვენციის, მისი დამატებითი ოქმებისა და სახელმწიფოს მიერ აღიარებული სხვა საერთაშორისო სამართლებრივი აქტების ეფექტიანი იმპლემენტაციის ხელშეწყობას.

იუსტიციის უმაღლესი სკოლის ცნობით, ტრენინგი მონაწილეთა აქტიური ჩართულობით მიმდინარეობდა. სამართლებრივ ნაწილს უძღვებოდნენ თბილისის სააპელაციო სასამართლოს მოსამართლეები: თამარ ალანია; თაკო ონიანი; ეკა ზარნაძე და საქალაქო სასამართლოს მოსამართლე გიორგი გოგიჩაშვილი. ტრენინგის მეორე ნაწილში ჩართულები იყვნენ სოციალური მუშაკები და ფსიქოლოგები.

ტრენინგების მიმდინარეობის პროცესში, დღის წესრიგის მიხედვით, განიხილებოდა ბავშვის უფლებათა კოდექსი; მიზნები, პრინციპები და ძირითადი სტანდარტები, ბავშვის უფლებების დაცვის საერთაშორისო ინსტრუმენტები, ბავშვის უფლებებზე დაფუძნებული მხარდაჭერის სისტემა; ბავშვის უფლებები სამოქალაქო კანონმდებლობაში; სოციალური მუშაკის როლი სამოქალაქო და ადმინისტრაციული სამართალის მართლმსაჯულებაში და ადმინისტრაციული წარმოების პროცესში ბავშვის მონაწილეობით, ბავშვის უფლებათა კოდექსის მიხედვით; ბავშვის განვითარების თავისებურებანი, მიჯაჭვულობის როლი, ფსიქო-სოციალური და მორალური განვითარება და სხვა.

კასკადური ტრენინგების ფარგლებში, ამ ეტაპზე ჩატარებულია 31 დისტანციური სასწავლო აქტივობა, საერთო ჯამში, გადამზადდა საერთო სასამართლოების 171 მოსამართლე.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია