ველოდებით, რომ ბელარუსში დაკავებული რუსეთის მოქალაქეების უფლებები სრულად იქნება დაცული, - რუსული მედიის ინფორმაციით, ამის შესახებ კრემლის პრესპიკერმა დიმიტრი პესკოვმა განაცხადა, რითაც ის რუსეთის მოქალაქეების ბელარუსში დაკავების ფაქტს გამოეხმაურა.
მისივე თქმით, მოსკოვს აღნიშნულ დაკავებასთან დაკავშირებით ჯერჯერობით სრული ინფორმაცია არ აქვს.
„დღეს ჩვენს ელჩს შეხვედრა ჰქონდა საგარეო საქმეთა სამინისტროში. იმედი გვაქვს, ჩვენს სპეციალურ სამსახურებს შორის არსებული საკომუნიკაიცო არხების საშუალებით მომხდარის შესახებ სრულყოფილ ინფორმაციას მივიღებთ,“ - განაცხადა პესკოვმა ჟურნალისტებთან საუბარში.
შეგახსენებთ, 29 ივლისს ბელარუსის დედაქალაქ მინსკში რუსული კერძო სამხედრო კომპანია „ვაგნერის“ 33 დაქირავებული მებრძოლი დააკავეს. სამართალდამცველი ორგანოების განცხადებით, მათ მიიღეს ინფორმაცია ქვეყნის ტერიტორიაზე 200-ზე მეტი მებრძოლის წინასაარჩევნო კამპანიის პერიოდში დესტაბილიზაციის შექმნის მიზნით შესვლის შესახებ.