თამარ ბაჩალიაშვილის ოჯახის ადვოკატი და ცენტრ „ემპათიას“ დირექტორი სახალხო დამცველის მოადგილეს შეხვდნენ

თამარ ბაჩალიაშვილის ოჯახის ადვოკატი მიხეილ რამიშვილი და ცენტრ „ემპათიას“ დირექტორი მარიამ ჯიშკარიანი სახალხო დამცველის მოადგილეს შეხვდნენ.

როგორც ცენტრის დირექტორი მარიამ ჯიჭკარიანი აცხადებს, შეთანხმება მოხდა სამომავლო ურთიერთთანამშრომლობაზე.

„სახალხო დამცველი თავის უფლებამოსილების და შესაძლებლობების ფარგლებში მოახდენს რეაგირებას. მივაწოდეთ ინფორმაცია ზეწოლების შესახებ, თვალთვალი, მიყურადება, არაადეკვატური სატელეფონო ზარები. კონკრეტულად საქმესთან დაკავშირებით ცალკე კიდევ გვექნება შეხვედრები. ახლა უბრალოდ, ზოგადად იყო საუბარი“, - განაცხადა ცენტრ „ემპათიას“ დირექტორმა.

საქართველოს სახალხო დამცველის მოადგილე გიორგი ბურჯანაძე აცხადებს, რომ სახალხო დამცველის აპარატი მზაობას გამოთქვამს ნებისმიერ დაინტერესებულ მხარეს შეხვდეს და პროცესებს აკვირდება.

„ჩვენ ჩვენი კომპეტენციის ფარგლებში, თუ გამოიკვეთება, რომ შეგვიძლია შესაბამისი რეაგირება მოვახდინოთ დამატებით ამ კუთხით შევისწავლით საკითხებს. ეს შეხვედრა შეეხებოდა იმას, თუ რა მუქარები და ზეწოლები ხორციელდება სოციალურ ქსელში ამ მიმართულებით. სახალხო დამცველი და აპარატი მზაობას ყოველთვის აფიქსირებს, რომ ნებისმიერ დაინტერესებულ მხარეს შეხვდეს“,- განაცხადა გიორგი ბურჯანაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია