"ნაციონალური მოძრაობის" წევრის ინფორმაციით, ხულოს საკრებულოს თავმჯდომარის მოადგილესა და ანზორ ბოლქვაძეს შორის ფიზიკური დაპირისპირება მოხდა

ხულოს მერიის შენობაში საქართველოს პარლამენტის დეპუტატ ანზორ ბოლქვაძესა და ხულოს საკრებულოს თავმჯდომარის მოადგილეს თამაზ აბაშიძეს შორის ფიზიკური დაპირისპირება მოხდა - ამის შესახებ "ინტერპრესნიუსს" "ერთიანი ნაციონალური მოძრაობის" ხულოს ორგანიზაციის წევრმა ირაკლი ჯორბენაძემ განუცხადა.

მისი ინფორმაციით, ინცინდენტის დროს თამაზ აბაშიძე მძიმედ დაშავდა და იგი კლინიკაშია გადაყვანილი.

მისივე თქმით, დაპირისპირების მიზეზი, ანზორ ბოლქვაძის მაჟორიტარად წარდგენა დასახელდა.

"დღეს ხულოს მუნიციპალიტეტში ალპური ბოტანიკური ბაღი გაიხსნა, ღონისძიებას აჭარის მთავრობის თავმჯდომარე და "ქართული ოცნების" მაჟორიტარი დეპუტატი ანზორ ბოლქვაძე ესწრებოდა.ასევე, ხულოს საკრებულოს თავმჯდომარის მოადგილე თამაზ აბაშიძეც იმყოფებოდა, სადაც ინციდენტი დაიწყო. ამ საკითხის მოგვარების მიზნით, ხულოს მერის ვახტანგ ბერიძის კაბინეტში შეიკრიბნენ, ინციდენტი თამაზ აბაშიძესა და ანზორ ბოლქვაძეს შორის ჩხუბში გადაიზარდა. ინცინდენტის მიზეზი იყო ის, რომ თამაზ აბაშიძე წინააღმდეგია ანზორ ბოლქვაძის მაჟორიტარ კანდიდატად დასახელების. თქვენ კარგად იცით, რომ ანზორ ბოლქვაძე 2008-2012 წლებში "ერთიანი ნაციონალური მოძრაობის" კანდიდატი იყო. ახლა თამაზ აბაშიძე კლინიკაშია გადაყვანილი, მას დაზიანება თავის არეში აქვს მიყენებული. ასევე დაზიანება ანზორ ბოლქვაძესაც აქვს მიღებული, იგი სიტუაციას სამართალდამცავებმა განარიდეს. ფაქტის გამო, ხულოს ცენტრში სამართალდამცავები იყვნენ მობილიზებული ", - განაცხადა ირაკლი ჯორბენაძემ.

თავად ანზორ ბოლქვაძემ "ინტერპრესნიუსის" კითხვებს არ უპასუხა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 24.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი