გიორგი გელხაური - ზ.ხ.-სთან მიმართებაში ბრალის დამძიმების არანაირი საფუძველი არ არსებობს

გარდაცვლილი ფეხბურთელის, გიორგი შაქარაშვილის საქმეზე დაკავებული არასრულწლოვნის, ზ.ხ.-ს ადვოკატი, გიორგი გელხაური გამორიცხავს, რომ მისი დაცვის ქვეშ მყოფს ბრალი დაუმძიმდეს.

„ამ საქმის ფარგლებში შეუძლებელია, რომ რაიმე სახით დამძიმდეს ბრალდება. რაც შეეხება ახალ ბრალს, გამოძიების მიერ დღემდე მოპოვებული არც ერთი მტკიცებულებით არ დასტურდება ზ.ხ.-ს რაიმე სახით შემხებლობა გარდაცვლილ შაქარაშვილთან, მისი ფიზიკური სიახლოვეც კი არ დასტურდება. შესაბამისად, ზ.ხ.-სთან მიმართებაში ბრალის დამძიმების არანაირი საფუძველი არ არსებობს. მტკიცებულების გარეშე ადამიანს დააბრალო განზრახ მკვლელობა არანაკლებ ტრაგედიაა, რაც შაქარაშვილთან მიმართებაში მოხდა“, - განუცხადა ადვოკატმა ჟურნალისტებს.

ამასთან, გიორგი გელხაური აცხადებს, რომ არც ერთი არასრულწლოვანი თავს დამნაშავედ არ ცნობს.

„განუცხადეს სასამართლოს, რომ არც ერთ კვალიფიკაციაში არანაირი ბრალი არ მიუძღვით და შესაბამისად, ისინი თავს დამნაშავედ არ ცნობენ. ზ.ხ. გამოძიების დაწყების შემდეგვე თანამშრომლობს გამოძიებასთან. მან ჩვენება მისცა, თუმცა სამწუხაროდ გამოძიებამ ეს ჩვენება მიიღო იძულებით და მასზე პოლიციის განყოფილებაში იძალადეს. იგი მზადაა გამოძიებასთან ყველანაირად ითანამშრომლოს“, - აღნიშნა ადვოკატმა.

ცნობისთვის, ფეხბურთელ გიორგი შაქარაშვილის საქმეზე მცხეთის რაიონულ სასამართლოში ბრალდებული 6 არასრულწლოვნის სასამართლო პროცესი მიმდინარეობს.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს