ჩინეთში კორონავირუსის 49 ახალი შემთხვევა დადასტურდა. ამის შესახებ ინფორმაციას ჩინეთის ჯანდაცვის ეროვნულ კომისია ავრცელებს. მათივე ინფორმაციით, ახალი შემთხვევებიდან 33 შიდა გადაცემის შედეგია, დანარჩენი 16 კი საზღვარგარეთიდან იმპორტირებული.

ბოლო დღე-ღამეში ჩინეთში კორონავირუსით გარდაცვალების ფაქტი არ დაფიქსირებულა.

ბოლო მონაცემებით, პანდემიის დაწყების დროიდან ჩინეთში კორონავირუსის 84,385 შემთხვევაა დადასტურებული, აქედან გამოჯანმრთელებულია 79,003 და დაღუპულია 4 634 ადამიანი.

748 პაციენტს ამჟამად მკურნალობა უტარდება.