სურამში მეუღლის მიერ მოკლული ქალის ოჯახის ადვოკატის განცხადებით, ბრალდებული ცდილობს თავი შეურაცხადად წარმოაჩინოს, რაზეც რამდენიმე დღეში ექსპერტიზა ჩატარდება

დაბა სურამში, მეუღლის მიერ მოკლული 3 შვილის დედის ოჯახის ადვოკატის, ნიკოლოზ წულეისკირის განცხადებით, მეუღლის მკვლელობაში ბრალდებული პირი ცდილობს თავი შეურაცხადად წარმოაჩინოს, რასაც ადვოკატებიც უწყობენ ხელს.

წულეისკირის თქმით, ყველა ფაქტობრივი მტკიცებულება მოწმობს იმაზე, რომ პიროვნება დანაშაულის ჩადენის მომენტში შერაცხადი იყო.

"მინდა მოგახსენოთ სურამში 6 ივლისს მომხდარ მკვლელობასთან დაკავშირებით, როდესაც ქმარმა საკუთარი მეუღლე მოკლა. აღნიშნული პიროვნება დღეის მდგომარეობით ცდილობს თავი წარმოადგინოს, როგორც შეურაცხადი, ანუ ადვოკატები და თვითონ მისი ქმედებები სასჯელაღსრულების დაწესებულებაში მიმართულია იმისკენ, რომ წარმოჩინდეს თითქოსდა, ეს პიროვნება არის შეურაცხადი. თუმცა, საქმეში წარმოდგენილი შესაძლო მტკიცებულებები და ასევე ფაქტობრივი მტკიცებულებები საპირისპიროს მოწმობს. შესაძლებელია, ვთქვათ, რომ მის მიერ ჩადენილი ქმედება ჩადენის დროს იყო სრულიად გაცნობიერებული და თავისუფლად შეგვიძლია ვთქვათ, რომ ჩადენის მომენტში აღნიშნული პიროვნება იყო შერაცხადი. ამ საკითხის დასადგენად ექსპერტიზა რამდენიმე დღეში ჩაინიშნება. ჩვენი ინფორმაციით, აღნიშნულ პიროვნებას გარკვეულ წრეებში ჰყავს თანამდებობის პირები და აღნიშნულ საქმესთან დაკავშირებით თუ ვინმე შეეცდება, რომ გამოძიებაში შეიტანოს რაიმე ცვლილება, რაიმე სახით ჩაფარცხოს აღნიშნული საქმე ან ნებისმიერი საშუალებით ექსპერტიზაზე მოახდინოს ზეგავლენა, ჩვენ ყველა ამ პიროვნებას ვამხელთ. ოჯახის წევრებს გააჩნიათ შესაძლო რესურსი, რომ ჩვენ მივიწვიოთ უცხოეთიდან ექსპერტები და ალტერნატიულ ექსპერტიზებს ჩავნიშნავთ საჭიროების შემთხვევაში. ხასგასმით მინდა აღვნიშნო, რომ პიროვნება დანაშაულის ჩადენის მომენტში შერაცხადი იყო. ამას მოწმობს ყველა ის ფაქტობრივი გარემოება და ყველა ის შესაძლო მტკიცებულება, რომელიც წარმოდგენილია საქმეში", - განაცხადა ნიკოლოზ წულეისკირმა.

შეგახსენებთ, რომ გორის რაიონულმა სასამართლომ ცოლის მკვლელობისთვის დაკავებულ ილია ქურდაძეს აღკვეთის ღონისძიების სახით პატიმრობა შეუფარდა. სურამში მომხდარი მკვლელობის ფაქტზე გამოძიება საქართველოს სისხლის სასამართლოს კოდექსის 11 პრიმა-109-ე მუხლის მე-2 ნაწილის ,,ვ" ქვეპუნქტით მიმდინარეობს, რაც თავისუფლების აღკვეთას ვადით 13-17 წლამდე ითვალისწინებს.

დანაშაულის ფაქტი მიმდინარე წლის 6 ივლისს, სურამში მოხდა. 3 შვილის დედა, 31 წლის თეა რუსია ქმარმა მაშინ მოკლა, როდესაც ქალს ეძინა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი წარმატების წერტილი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი