დონალდ ტრამპის მრჩევლების განცხადებით, საპრეზიდენტო არჩევნები 3 ნოემბერს ჩატარდება

თეთრი სახლის აპარატის ხელმძღვანელი მარკ მიდოუსი აცხადებს, რომ დონალდ ტრამპმა შეშფოთება ფოსტის საშუალებით ხმის მიცემის გამო გამოხატა, თუმცა არჩევნები დაგეგმილ დღეს, 3 ნოემბერს, ჩატარდება.

„ვაპირებთ, არჩევნები 3 ნოემბერს ჩავატაროთ და პრეზიდენტი ამ არჩევნებს მოიგებს,“- აღნიშნა მიდოუსმა.

არჩევნების 3 ნოემბერს ჩატარებას აანონსებს პრეზიდენტის საარჩევნო შტაბის მრჩეველი ჯეისონ მილერიც.

„არჩევნები 3 ნოემბერს გაიმართება. პრეზიდენტ ტრამპს არჩევნების 3 ნოემბერს ჩატარება სურს,“- აღნიშნა მილერმა.

შეგახსენებთ, რამდენიმე დღის წინ აშშ-ის პრეზიდენტი დონალდ ტრამპი არჩევნების გადადების ინიციატივით გამოვიდა. „ფოსტის საშუალებით ხმის მიცემით, 2020 წელს ისტორიაში ყველაზე არაზუსტი და გაყალბებული არჩევნები გვექნება, რაც დიდ უხერხულობას გამოიწვევს შეერთებულ შტატებში. გადავდოთ არჩევნები, ვიდრე ხალხს უსაფრთხოდ და წესების დაცვით ხმის მიცემის შესაძლებლობა არ ექნებათ?“- განაცხადა დონალდ ტრამპმა.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს