საპარლამენტო არჩევნებზე ჩამოსულ საერთაშორისო დამკვირვებლებს კარანტინის გავლა არ მოუწევთ

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, არჩევნებზე, საერთაშორისო დამკვირვებლებს კარანტინის გავლა არ მოუწევთ.

როგორც მან "ინტერპრესნიუსს" განუცხადა, საერთაშორისო დამკვირვებლებთან დაკავშირებით ეპიდემიოლოგიური უსაფრთხოების უზრუნველსაყოფად სხვა მეთოდები იქნება გამოყენებული.

"დაავადებათა კონტროლის ცენტრიცაა იმ ჯგუფში, რომელიც არჩევნების ჩატარების ეპიდემიოლოგიურ უსაფრთხოებაზე მუშაობს. ჯერჯერობით, საბოლოო შეჯერებული მოდელი არ არის, თუმცა, რა თქმა უნდა, გარკვეული მოსაზრებები და წინადადებები არის. ის, რომ კარანტინი მათ არ გაიარონ, ეს დაზუსტებული ინფორმაციაა, იქნება შესაბამისად სხვა მეთოდები გამოყენებული, რომელიც ეპიდემიოლოგიურ უსაფრთხოებას უზრუნველყოფს.

საკითხზე ვმუშაობთ, განიხილება ბევრი ვარიანტი", - განაცხადა ამირან გამყრელიძემ.

იხილეთ ვიდეო: საპარლამენტო არჩევნებზე ჩამოსულ საერთაშორისო დამკვირვებლებს კარანტინის გავლა არ მოუწევთ

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს