პანდემიის დასაწყისში გაერთიანებულ სამეფოს ევროპის ქვეყნებთან საზღვარი დროულად უნდა ჩაეკეტა, რითაც ქვეყანაში ვირუსის მასობრივი გავრცელება შეჩერდებოდა, - ამ განცხადებას ბრიტანელი პარლამენტარები ავრცელებენ.

გაერთიანებული სამეფოს შინაგან საქმეთა კომიტეტის თქმით, მათ სათანადოდ ვერ შეაფასეს საფრთხე და ამიტომ საზღვრის გადაკვეთაზე მკაცრი ზომები არ დაუწესებიათ, რაც ქვეყნისთვის საბედისწერო აღმოჩნდა.

აღსანიშნავია, რომ თებერვალსა და მარტის დასაწყისში ჩინეთიდან, ირანიდან, სამხრეთ კორეიდან და იტალიდან ჩასულ მგზავრებს ქვეყანაში შესვლისას მოუწოდებდნენ თვითიზოლაციაში ყოფილიყვნენ, სავალდებულო კარანტინი კი მხოლოდ 13 მარტს დაწესდა. ბოლო მონაცემებით, გაერთიანებულ სამეფოში კორონავირუსის 306 000-ზე მეტი შემთხვევა ფიქსირდება, ვირუსს სულ მცირე, 46 000 ადამიანი ემსხვერპლა.

იხილეთ ვიდეო: ბრიტანელი პარლამენტარები - პანდემიის დასაწყისში გაერთიანებულ სამეფოს ევროპის ქვეყნებთან საზღვარი დროულად უნდა ჩაეკეტა