საფრანგეთში, ბოლო 24 საათის განმავლობაში, კორონავირუსის რეკორდული 1 695 შემთხვევა დაფიქსირდა, რის შედეგადაც ქვეყანაში ინფიცირებულთა რიცხვი 194 000-მდე გაიზარდა.

ამასთან, საფრანგეთში კორონავირუსის მსხვერპლთა რიცხვმა 30 305-ს მიაღწია, რაც ევროპის კონტინენტზე გაერთიანებული სამეფოსა და იტალიის შემდეგ, ყველაზე მაღალი მაჩვენებელია.

კორონავირუსის გაზრდილი შემთხვევების გამო, საფრანგეთის ქალაქ ტულუზას ქუჩებში პირბადეების ტარება სავალდებულო გახდა. შეზღუდვების თავიდან დაწესებას განიხილავენ ქვეყნის სხვა ქალაქებშიც.