ინდოეთში ერთ-ერთ საავადმყოფოში გაჩენილ ხანძარს 8 კოვიდინფიცირებულის სიცოცხლე ემსხვერპლა
ინდოეთის ქალაქ აჰმადაბადის საავადმყოფოში გაჩენილ ხანძარს კორონავირუსით ინფიცირებული 8 პაციენტის სიცოცხლე ემსხვერპლა, - ამის შესახებ ინფორმაციას „როიტერსი“ ავრცელებს.
სააგენტოს ცნობით, ცეცხლი რეანიმაციული განყოფილების პალატაში გაჩნდა, სადაც პაციენტებს მკურნალობდნენ.
ადგილობრივი სამართალდამცავები აცხადებენ, რომ ხანძრის მიზეზის დასადგენად გამოძიება მიმდინარეობს.
ინციდენტს ქვეყნის პრემიერ-მინისტრი ნარენდრა მოდი სოციალურ ქსელ „ტვიტერში“ გამოეხმაურა და საავადმყოფოში გაჩენილი ხანძრის გამო მწუხარება გამოთქვა.
ცნობისათვის, ინდოეთში, გასული დღე-ღამის განმავლობაში, კორონავირუსის 56 282 ახალი შემთხვევა დადასტურდა და ინფიცირებულთა საერთო რაოდენობა 1.96 მილიონამდე გაიზარდა. პანდემიის დაწყების დროიდან დღემდე ქვეყანაში „კოვიდ 19“-ს 40 699 პაციენტის სიცოცხლე ემსხვერპლა.
v-if="article.gallery" v-html="article.gallery"
