გიგა ბოკერია - ქართველი ხალხის ნებას ვერ მოისყიდიან, ეს არის ჩვენი მოქალაქეების დამცირება

ევროპული საქართველოს" ერთ-ერთი ლიდერის, გიგა ბოკერიას განცხადებით, პრემიერ-მინისტრ გიორგი გახარიას გაჟღერებული სოციალური შეღავათების დაპირება წინასაარჩევნოდ ამომრჩევნის მოსყიდვის მცდელობაა. როგორც მან ჟურნალისტებს განუცხადა, მსგავსი განცხადებები მოქალაქეების მისამართით დამამცირებელია.

„ეს არის დაშინებისა და მოსყიდვის კომბინაცია. ეს არის ის, რასაც ივანიშვილი ქართველ ხალხს სთავაზობს თავის „კლოუნებთან“ ერთად და რაზეც უარს მიიღებს. თუ თავისუფალ ნებას გამოხატავთ, დაისჯებით თუ არა, გადმოგიგდებთ ამ დამამცირებელ "დახმარებასო". რა თქმა უნდა, ეს დემოკრატიული პროცესისთვის უაღრესად საზიანოა და ქვეყანას საფრთხეს უქმნის.

ბუნებრივია, ყველა წნეხის მეშვეობით ჩვენ ეს რისკები უნდა შევამციროთ. ისე არ გაიგოს ვინმემ, თითქოს ამით არჩევნების ბედი გადაწყდება, ქართველი ხალხის ნებას ვერ მოისყიდიან. ეს არის ჩვენი მოქალაქეების, საზოგადოების დამცირება. გახარიას დღევანდელი განცხადება რომ გავიხსენოთ, სწორედ ეს მოდელი აქვთ. ჩვენი შრომით მოპოვებულ ფულს ისევ წაგართმევთ და მერე გადმოგიგდებთ „დახმარების" სახითო. ამას ყველამ უარი უნდა ვუთხრათ. ეს არის დამამცირებელი მოდელი, არაანგარიშვალდებული ოლიგარქის მხრიდან, რომელიც ჩვენი ქვეყნის ბედით ერთობა. ამ მოდელის ნაწილია მოსყიდვის მცდელობა",-განაცხადა ბოკერიამ.

მისი შეფასებით, არა მხოლოდ ოპოზიციის, არამედ მთელი საზოგადოების მოთხოვნაა, შეწყდეს ხალხის ხარჯზე ფულის ფლანგვა და მათთვის ფულის წართმევა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს