ოჰაიოს შტატის გუბერნატორს, მაიკ დევაინს კორონავირუსი დაუდასტურდა, - ინფორმაციას ამის შესახებ BBC-ი გუბერნატორის ოფისზე დაყრდნობით ავრცელებს.
მათივე ინფორმაციით, გუბერნატორს ვირუსის სიმპტომები არ აქვს, ის 14 დღის განმავლობაში თვითიზოლაციაში იქნება.
მაიკ დევაინი აშშ-ის პრეზიდენტ დონალდ ტრამპს, რომელიც შტატს სტუმრობს, აეროპორტში უნდა დახვედროდა. პროტოკოლის თანახმად, გუბერნატორმა პრეზიდენტთან შეხვედრამდე კორონავირუსზე ტესტი ჩააბარა, რომელმაც დადებითი შედეგი აჩვენა.
მაიკ დევაინი აშშ-ის მეორე გუბერნატორია, რომელსაც კორონავირუსი დაუდასტურდა. რამდენიმე დღის წინ კოვიდ 19-ი ოკლაჰომას შტატის გუბერნატორს, კევინ სტიტსაც დაუდგინდა.
ეპიდემიის გავრცელების დაწყებიდან დღემდე ოჰაიოს შტატში კორონავირუსის 90 000-ზე მეტი შემთხვევაა დადასტურებული, დაღუპულია 3 500 ადამიანი.