ინდოეთის შტატ კერალაში თვითმფრინავის კატასტროფის შედეგად დაღუპულთა რაოდენობა 17 -მდე გაიზარდა,- ამის შესახებ ინფორმაციას BBC-ი ავრცელებს.
გამოცემის ცნობით, დაღუპულთა შორის ორი პილოტია. გარდა ამისა, ათობით ადამიანი დაშავებულია და მათგან 15-ის მდგომარეობა მძიმეა.
შეგახსენებთ, Air India Express-ის კუთვნილმა Boeing 737-ის თვითმფრინავმა კალიკუტის აეროპორტში დაჯდომისას კატასტროფა გუშინ განიცადა. თვითმფრინავი დაჯდომისას მოცურდა, თხრილში ჩავარდა და ორ ნაწილად გაიყო. კატასტროფის მიზეზად ჯერჯერობით უამინდობა სახელდება.
თვითმფრინავი რეისს დუბაიდან ასრულებდა. მის ბორტზე სულ 190 ადამიანი იმყოფებოდა.