მსოფლიო ლიდერები ლიბანის დასახმარებლად საერთაშორისო დონეზე ონლაინ კონფერენციას გამართავენ

დღეს, 9 აგვისტოს, მსოფლიო ლიდერები ბეირუთისთვის დახმარების მობილიზების მიზნით, მოლაპარაკებებს გამართავენ. ონლაინ კონფერენცია, რომლის ორგანიზატორებიც საფრანგეთი და გაეროა, ლიბანის დროით 14:00 საათზე დაიწყება.

6 აგვისტოს, საფრანგეთის პრეზიდენტი ემანუელ მაკრონი ბეირუთს ესტუმრა, დაზიანებული ტერიტორია დაათვალიერა და ლიბანელ ხალხს საერთაშორისო დონეზე დახმარება აღუთქვა. საფრანგეთის პრეზიდენტის ადმინისტრაციის განცხადებით, კონფერენციის მიზანია ლიბანისთვის გადაუდებელი მხარდაჭერის აღმოჩენისთვის ქვეყნის ძირითადი პარტნიორების მობილიზება და საერთაშორისო საზოგადოების კოორდინირებული მუშაობის ორგანიზება მოახდინოს.

კონფერენციაში მონაწილეობას მიიღებენ ევროკავშირის ქვეყნების, ჩინეთის, რუსეთის, ეგვიპტის, იორდანიის და დიდი ბრიტანეთის წარმომადგენლები. აშშ-ის პრეზიდენტმა დონალდ ტრამპმა განაცხადა, რომ ის გეგმავს კონფერენციას შეუერთდეს.

ლიბანის მხარდაჭერის სურვილი უკვე არაერთმა ქვეყანამ გამოთქვა და პირველადი გადაუდებელი დახმარებაც გაუგზავნა.

ბეირუთში მომხდარმა აფეთქებამ, BBC-ის ცნობით, დაახლოებით 15 მილიარდ დოლარამდე ზარალი გამოიწვია. აფეთქებისას დაიღუპა მინიმუმ 160-მდე ადამიანი, დაშავდა 5 000-მდე პირი და 300 000 მოქალაქე კი უსახლკაროდ დარჩა.

იხილეთ ვიდეო:მსოფლიო ლიდერები ლიბანის დასახმარებლად საერთაშორისო დონეზე ონლაინ კონფერენციას გამართავენ

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს