ქვეყანაში მიმდინარე მასობრივი საპროტესტო აქციების ფონზე, ლიბანის მთავრობა სრული შემადგენლობით გადადგა. BBC ინფორმაციას ლიბანის ჯანდაცვის მინისტრის, ჰამად ჰასანის განცხადებაზე დაყრდნობით ავრცელებს.
მისი თქმით, ოფიციალურ განცხადებას ქვეყნის პრემიერ-მინისტრი უახლოეს მომავალში გააკეთებს.
აღსანიშნავია, რომ რამდენიმე დღის წინ თანამდებობა სამმა მინისტრმა უკვე დატოვა.
შეგახსენებთ, ბეირუთში ძლიერი აფეთქება გასული კვირის სამშაბათს მოხდა, რასაც 200-მდე ადამიანის სიცოცხლე ემსხვერპლა, 6 000-მდე კი დაშავდა. აფეთქების მიზეზი ერთ-ერთ საწყობში უსაფრთხოების ნორმების გარეშე შენახული 2 750 ტონა ამონიუმის ნიტრატის აფეთქება გახდა. ამის შემდეგ ქვეყანაში მასობრივი საპროტესტო აქციები დაიწყო. აქტივისტები მომხდარში ხელისუფლებას სდებდნენ ბრალს.