პროკურორის განცხადებით, 5 პირის მიმართ, რომლებსაც შაქარაშვილის საქმეზე ბრალი დაუმძიმდათ, არაერთი მტკიცებულება არსებობს, მათ შორისაა მოწმეთა ჩვენებები და ვიდეო ჩანაწერები

პროკურორის, ამირან გულუაშვილის განცხადებით, 5 პირის მიმართ, რომლებსაც ფეხბურთელ გიორგი შაქარაშვილის საქმეზე ბრალი დაუმძიმდათ, არაერთი მტკიცებულება არსებობს, რომელთა შორისაცაა მოწმეთა ჩვენებები და ვიდეო ჩანაწერები.

როგორც პროკურორმა ბრიფინგზე აღნიშნა, მტკიცებულებები დაცვის მხარესაც გადაეცემა.

„ბუნებრივია, საქმეში მოიპოვება არაერთი მტკიცებულება, რომელიც ადასტურებს ამ ხუთი ადამიანის მონაწილეობას. მათ შორის გახლავთ მოწმეთა ჩვენებები, იმ პირთა ჩვენებები, რომლებიც ამ პირების მხრიდან დაექვემდებარნენ ძალადობრივ ქმედებებს, ვიდეო ჩანაწერები, მობილური კავშირგაბმულობის ოპერატორების მეშვეობით გავრცელებული ინფორმაცია. ყველა კონკრეტულ პირთან მიმართებით არსებობს კონკრეტული მტკიცებულებები, რომელთა განხილვა ბუნებრივია სასამართლოს ეტაპზე მოხდება. ეს მტკიცებულებები გადაეცემა დაცვის მხარეს, რა თქმა უნდა, მათაც ექნებათ შესაძლებლობა, გაეცნონ თუ რას აფუძნებს სახელმწიფო ბრალდება თავის პოზიციას“,-განაცხადა პროკურორმა.

ცნობისთვის, პროკურატურამ ფეხბურთელ გიორგი შაქარაშვილის საქმეზე „ტოიოტა ქამრის“ მგზავრების - 5 პირის მიმართ სისხლის სამართლებრივი დევნა დაიწყო 109-ე მუხლის მეორე ნაწილის „ე“ ქვეპუნქტით ჩადენილი დანაშაულისთვის, რაც განზრახ ჯგუფურად ჩადენილ მკვლელობას გულისხმობს.

როგორც პროკურატურაში გამართული ბრიფინგიდან ირკვევა, ბრალი დაუმძიმდათ ვახტანგ ჩიქოვანს, არჩილ გაგნიძეს, ნიკოლოზ რევაზიშვილს, არასრულწლოვნებს ა.ქ.-ს და ზ.ხ.-ს.

იხილეთ ვიდეო: ბრიფინგი მთავარ პროკურატურაში, ფეხბურთელ გიორგი შაქარაშვილის გარდაცვალების საქმესთან დაკავშირებით

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა