ალექსანდრე ლუკაშენკო კონსტიტუციური წყობისა და მოქალაქეთა უსაფრთხოების დაცვის აუცილებლობაზე საუბრობს
ბელარუსის პრეზიდენტი ალექსანდრე ლუკაშენკო ქვეყანაში კონსტიტუციური წყობისა და მოქალაქეთა უსაფრთხოების დაცვის შესახებ საუბრობს.
„ხელისუფლების ყველაზე მნიშვნელოვანი ამოცანაა ჩვენი მოქალაქეების უსაფრთხოების უზრუნველყოფა, კონსტიტუციური წყობის დაცვა და სახელმწიფო მართვის ორგანოების ნორმალური ფუნქციონირების უზრუნველყოფა“, - განაცხადა ლუკაშენკომ უშიშროების საბჭოს სხდომაზე.
მისი თქმით, პრიორიტეტულ საკითხად რჩება ეკონომიკის ფუნქციონირება.
„ამიტომაც, მთავრობამ აუცილებლად უნდა მიღოს დამატებითი ზომები, თუკი ამის საჭიროება იქნება, ეკონომიკის ფუნქციონირებისთვის“, - განაცხადა ლუკაშენკომ.
მისივე განცხადებით, პროტესტის მონაწილეთა ძირითად ნაწილს წარმოადგენენ კრიმინალური წარსულის მქონე ადამიანები და უმუშევრები.
„არ არის სამსახური, ისეირნე ბიძია, ქუჩებში და პროსპექტებზე. ამიტომ, სანამ დროა, ყველას გაფრთხილებთ: მოეწყეთ სამსახურში, ვინც არ მუშაობთ“ - განაცხადა ლუკაშენკომ.
v-if="article.gallery" v-html="article.gallery"
