„ჯეოქეისის" თავმჯდომარე, ვიქტორ ყიფიანი საქართველოს თემატიკაზე გამართულ საერთაშორისო კონფერენციაზე მოხსენებით გამოვიდა

ვიქტორ ყიფიანი ლევან მიქელაძის სახელობის ფონდისა და ამერიკა-საქართველოს ბიზნეს საბჭოს მიერ ორგანიზებულ საერთაშორისო ონლაინ კონფერენციაზე მოხსენებით გამოვიდა. ამის შესახებ „ინტერპრესნიუსს“ ორგანიზაციიდან აცნობეს.

მათივე ცნობით, საერთაშორისო ონლაინ კონფერენციის თემა, „საქართველო და მისი სამეზობლო“ იყო.

„დღეს საერთაშორისო სისტემა არაერთი გამოწვევისა და რთული ამოცანის წინაშე დგას. მთელი რიგი მნიშვნელოვანი კითხვები ჯერ კიდევ პასუხგაუცემელია. ასევე, საქართველოს ზოგიერთი მეზობლის ისტორიულად არაპროგნოზირებადი ქცევა ზრდის ქვეყნის მოწყვლადობას. საქართველო იმყოფება ორ ნორმატიულად დაპირისპირებულ სამყაროს შორის: ერთი ეფუძნება თავისუფლებისა და დემოკრატიის პრინციპებს, ხოლო მეორე ორიენტირებულია რევანშისტულ მიდგომებზე“, - განაცხადა ვიქტორ ყიფიანმა.

„ამასთანავე, საქართველოს სჭირდება თავისი შესაძლებლობების გაძლიერება ჰიბრიდულ საფრთხეებთან ეფექტიანად გასამკლავებლად“, - დასძინა მან.

ვიქტორ ყიფიანმა განსაკუთრებული ყურადღება გაამახვილა შავი ზღვის რეგიონის უსაფრთხოებაზე და ისაუბრა შავ ზღვაზე ძალთა ბალანსთან დაკავშირებულ საკითხებზე.

„საქართველოს გეოგრაფიული მდებარეობა ქვეყნისთვის წარმოადგენს როგორც გამოწვევას, ისე შესაძლებლობას, განსაკუთრებით მისი ეკონომიკური განვითარებისთვის. ამჟამად შავი ზღვა არის არენა შეჯიბრისთვის გავლენის, რესურსებსა და ინფორმაციაზე წვდომის მოსაპოვებლად. შესაბამისად, ჩვენ და ჩვენს პარტნიორებს უფრო მოეთხოვებათ სტრატეგიული სიმტკიცე, ვიდრე სტრატეგიული თმენა“, - აღნიშნა ყიფიანმა.

ასევე, ვიქტორ ყიფიანმა ხაზი გაუსვა იმ ფაქტს, რომ საქართველო მიისწრაფვის იყოს დემოკრატიული და უსაფრთხო ადგილი როგორც ქვეყნის მოსახლეობისთვის, ისე პარტნიორებისთვის.

საერთაშორისო კონფერენციაზე განხილული საკითხები შეაჯამეს ამერიკის შეერთებული შტატების ელჩმა საქართველოში, კელი დეგნანმა და აშშ-ში საქართველოს ელჩმა დავით ბაქრაძემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი წარმატების წერტილი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი