„საქართველოს ეროვნული პლატფორმის“ წევრი ორგანიზაციები ბელარუსში მშვიდობიანი მოქალაქეების წინააღმდეგ გამოყენებულ ძალადობრივ ქმედებებს გმობენ

„საქართველოს ეროვნული პლატფორმის“ წევრი ორგანიზაციები ბელარუსში მშვიდობიანი მოქალაქეების წინააღმდეგ გამოყენებულ ძალადობრივ ქმედებებს გმობენ.

ორგანიზაციების განცხადებით, ბელარუსში სამართალდამცავების მოქმედებების შედეგად გარდაცვლილია ორი, ხოლო დაპატიმრებულია ათასობით მოქალაქე, რომლებიც პროტესტს გამოხატავდნენ მიმდინარე წლის 9 აგვისტოს ბელარუსში ჩატარებული საპრეზიდენტო არჩევნების დემოკრატიულ სტანდარტებთან შეუსაბამობის გამო. დაპატიმრებულთა შორის არიან ჟურნალისტებიც, რომელთა ადგილსამყოფელი უცნობია.

„გამოაშკარავდა ადამიანის უფლებების დარღვევის მრავალი ფაქტი, მათ შორის, ცემის, ფსიქოლოგიური ზეწოლის, დამამცირებელი მოპყრობის. არჩევნებამდეც და მის შემდეგაც ხორციელდება უკანონო ზეწოლა პოლიტიკურ ოპონენტებზე, სამოქალაქო აქტივისტებზე, მედიის წარმომადგენლებზე, სტუდენტებზე. შეიზღუდა წვდომა ინტერნეტზე, რამაც შეაფერხა ბელარუსი ხალხის შესაძლებლობა, ფართო საზოგადოებასა და საერთაშორისო თანამეგობრობისთვის გაეზიარებინა ინფორმაცია ქვეყანაში მიმდინარე მოვლენებისა და საზოგადოებაში არსებული განწყობების შესახებ.

არჩევნებამდე, ლუკაშენკოს რეჟიმის მიერ დაპატიმრების გზით საარჩევნო პროცესს ჩამოაცილეს მისი პოლიტიკური ოპონენტები, რაც დაუშვებელი და მიუღებელია.

ეროვნული პლატფორმის წევრი ორგანიზაციები მოვუწოდებთ საქართველოს ხელისუფლებას არ აღიაროს არჩევნების შედეგები.

ასევე, მოვუწოდებთ ევროკავშირის ინსტიტუტებს, წევრ ქვეყნებს, დემოკრატიულ საზოგადოებას, არ მივცეთ საშუალება დიქტატორულ რეჟიმს, ძალადობით დაამარცხოს ბელარუსი ხალხის ნება, უგულვებელყოს მათი ლტოლვა თავისუფლებისაკენ, ხელი შეუშალოს მათ დემოკრატიულ განვითარებაში,“- ნათქვამია განცხადებაში.

ხელმომწერი ორგანიზაციებია: ლიბერალური აკადემია თბილისი; საქართველოს ბიზნეს საკონსულტაციო ორგანიზაციების ასოციაცია; საერთაშორისო ბიზნესის და ეკონომიკური განვითარების ცენტრი; საქართველოს პროფესიული კვაშირების გაერთიანება; ასოციაცია „ტოლერანტი“; ჟურნალისტიკის რესურსცენტრი; მსოფლიო გამოცდილება საქართველოსთვის; ასოციაცია და რადიო „მწვანე ტალღა“; საქართველოს მწვანეთა მოძრაობა/დედამიწის მეგობრები; ახალგაზრდული ალტერნატივა; სამეცნიერო-ინტელექტუალური კლუბი „თაობათა დიალოგი“; ფონდი ”სამოქალაქო განათლების განვითარების მულტიეთნიკური რესურსცენტრი”; პედაგოგთა კავშირი „განათლება და სამყარო“; კავკასიის გარემოსდაცვითი არასამთავრობო ორგანიზაციების ქსელი; საქართველოს ჩაის მწარმოებელთა ასოციაცია „საქართველოს ჩაი“; საქართველოს საერთაშორისო განვითარების სააგენტო; ასოციაცია ევროპული კვლევები საქართველოს ინოვაციური განვითარებისთვის; ასოციაცია "გადავარჩინოთ მომავალი თაობა"; საერთო სამოქალაქო მოძრაობა ”მრავალეროვანი საქართველო”; ასოციაცია თანხმობა; "ფერმერთა უფლებების დაცვის ასოციაცია"; "საერთაშორისო ბიზნესის განვითარების და ინვესტიციათა ხელშეწყობის ცენტრი".

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 21.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს