„ევროპული საქართველოს” ერთ-ერთი ლიდერი, ზუგდიდის მაჟორიტარობის კანდიდატი, გიგი უგულავა, ზუგდიდში გამსახურდიას ქუჩაზე, ასევე სოფელ ინგირში დევნილებს შეხვდა და მათი პრობლემები მოისმინა.
გიგი უგულავას თქმით, დევნილებს უმძიმესი სოციალურ - ეკონომიკური მდგომარეობა აქვთ და მათი მთავარი პრიორიტეტი ამ პრობლემების მოგვარებაა.
„საქართველოში დევნილი უნდა დარჩეს, როგორც პოლიტიკური სტატუსი და მას არ უნდა ჰქონდეს სოციალური დისკრიმინაციის სახე. 30 წლიანი დევნილობის შემდეგ ჩვენი თანამოქალაქეები ამას იმსახურებენ. დევნილზე ადამიანს არა სიღარიბე, არამედ ის პოლიტიკური ტკივილი უნდა ახსენდებოდეს, რაც გვაქვს, ანუ ოკუპაცია. ეს არის მთავარი და მნიშვნელოვანი. ამ თვალსაზრისით, მგონია, რომ დევნილ მოსახლეობაში სრული მხარდაჭერა იქნება, რადგან მათაც მობეზრდათ ის უაზრო დაპირებები, რასაც „ქართული ოცნება“ აძლევთ“, - აცხადებს გიგი უგულავა.
ინფორმაციას “ევროპული საქართველოს” პრესსამსახური ავრცელებს.
