თიკო ბერძენიშვილის განცხადებით, როგორც ტელეკომპანია "პირველი არხი", ისე რადიო მაუწყებლობას განაგრძობს

„პირველი არხის“ დირექტორის მოვალეობის შემსრულებლის, თიკო ბერძენიშვილის განცხადებით, როგორც ტელეკომპანია, ასევე რადიო მაუწყებლობას განაგრძობს.

როგორც ის აცხადებს, ამ დრომდე შენობას სამართალდამცავები ამოწმებენ.

„შემოვიდა შეტყობინება ცხელ ხაზზე იმის შესახებ, რომ შეობაში არის ბომბი და უნდა დავცალოთ შენობა. მივმართეთ შესაბამის ზომებს, მიმდინარეობს შენობის დათვალიერება.

დამატებით ინფორმაციას არ ვფლობთ, თუმცა იმედი გვაქვს, მალე მორჩება პროცედურები და შევალთ შენობაში. რაც მთავარია, სატელევიზიო და რადიოეთერი არ შეჩერებულა, ისევ ვართ ეთერში და ასე გაგრძელდება“, - განაცხადა ბერძენიშვილმა.

ცნობისთვის, „საზოგადოებრივი მაუწყებლის“ შენობიდან თანამშრომელთა ევაკუაცია დაახლოებთ ერთი საათის წინ, ბომბის არსებობის შესახებ ზარის გამო განხორციელდა.