ეკონომიკისა და მდგრადი განვითარების მინისტრის, ნათია თურნავას განცხადებით, საერთაშორისო სარეიტინგო კომპანია S&P-ის მიერ საქართველოს სუვერენული საკრედიტო რეიტინგის უცვლელად დატოვება იმის ინდიკატორია, რომ საქართველოს ეკონომიკა გლობალური გამოწვევის მიუხედავად ინვესტორებისთვის კეთილსაიმედოა.

"ესაა ინდიკატორი, რომ ჩვენ ძალიან დაბალი და მართვადი რისკები გვაქვს და საქართველოს ეკონომიკა გადახდისუნარიანია. ეს ძალიან მნიშვნელოვანი ფაქტია, რომელიც კიდევ ერთხელ ადასტურებს, რომ ჩვენი გუნდი სწორ, დაბალანსებულ და ეფექტურ ეკონომიკურ პოლიტიკას ახორციელებს", - განაცხადა მინისტრმა.

შეგახსენებთ, საერთაშორისო სარეიტინგო კომპანია „S&P” - მა საქართველოს სუვერენული საკრედიტო რეიტინგი „BB“ დონეზე და პერსპექტივა “სტაბილური” უცვლელი დატოვა.