„თავისუფალი საქართველო“ – „პსპ“ პრაქტიკულად ჩვენი პარტიის „იაფი მედიკამენტების“ კამპანიაში ჩაერთო

პარტია „ თავისუფალი საქართველო “ ფარმაცევტული კომპანიის „ პსპ“ მიერ გაკეთებულ განცხადებას ეხმაურება, რომლის თანახმად, „პსპ“ საქართველოს მოქალაქეებისთვის თურქეთიდან მედიკამენტების ჩამოტანას ყოველგვარი მოგების გარეშე უზრუნველყოფს.

„თავისუფალი საქართველოს“ ლიდერის კახა კუკავას განცხადებით, „ პსპ“-ს გადაწყვეტილება, რომ თურქეთიდან მედიკამენტების იმპორტი მოგების გარეშე განახორციელოს, არის ზუსტად ის ანალოგი, რასაც „ თავისუფალი საქართველო“ 2019 წლის სექტემბრიდან ახორციელებს.

„ჩვენ იაფი მედიკამენტების პროგრამა გასულ წელს ავამოქმედეთ. ეს იმას ნიშნავს, რომ ჩვენი ერთწლიანი ბრძოლა პირველი გამარჯვებით დამთავრდა და საქართველოს ოთხი უმსხვილესი მონოპოლიური კომპანიიდან - ერთი, უკვე დათანხმდა „თავისუფალი საქართველოს “ მიერ შემოთავაზებული ახალი თამაშის წესებს, რასაც მივესალმებით. ამავე დროს მინდა აღვნიშნო, რომ „თავისუფალი საქართველო “ მომავალშიც გააგრძელებს აღნიშნულ კამპანიას და ეს მოხდება მანამდე, ვიდრე ანალოგიურ გადაწყვეტილებას არ მიიღებენ დანარჩენი ფარმამონოპოლისტებიც: „ავერსი“, „ ფარმადეპო“ „ ჯი-პი-სი “, - განაცხადა კახა კუკავამ.

მისივე თქმით, 2020 წლის საპარლამენტო არჩევნების შემდეგ, საკანონმდებლო ორგანომ უნდა მიიღოს გადაწყვეტილება, რომ თურქეთიდან ნებადართული იყოს კომერციული იმპორტი, რომელიც ადამიანებს აფთიაქებში წარსადგენ ე.წ. ფორმა 100-თან დაკავშირებით, ზედმეტ ბიუროკრატიას ააცილებს.

„ თავისუფალი საქართველო “ როგორც არჩევნებამდე, ასევე არჩევნების შემდეგ მიზანმიმართულად გააგრძელებს მონოპოლიების წინააღმდეგ ბრძოლას და ჩვენ აუცილებლად მივაღწევთ იმას, რომ სხვა მონოპოლისტებისთვის, ასევე დრამატულად შემცირდება ფასები საწვავზე, ელექტროენერგიაზე, ბუნებრივ აირზე და ინტერნეტით მომსახურებაზე ”,- აღნიშნა კახა კუკავამ.

მიხაილო სამუსი - უკრაინა კიევის კაშხლის დაბომბვის თავიდან აცილებას შეძლებს!
ქართული პრესის მიმოხილვა 08.06.2023
ანდრო გოცირიძე - რუსული სპეცსამსახური საქართველოში ახორციელებს საოკუპაციო რეჟიმს, მასთან ურთიერთობა პოზიტიურ ჭრილში გამორიცხულია
სილქნეტის პაკეტი Gamer - თამაშობ შეუფერხებლად, დაბალი პინგით, გაუმჯობესებული პარამეტრებით
„სმარტ კაპიტალი“ თბილისს შემოგარენის განაშენიანების ახალ პროექტს სთავაზობს
რეიტინგული ტელეარხების საუკეთესო შეთავაზებით დიჯიტალ ტვ განვითარებას აგრძელებს
„სილქნეტის“ ახალი ნომრის გააქტიურება და ქსელში ჩართვა „სმარტის“ მარკეტებში შეგეძლებათ
თბილისში, სააკაძის მოედანზე „ქეი ეფ სის“ ახალი რესტორანი გაიხსნა