ევროპარლამენტარები ალექსეი ნავალნის საქმის დამოუკიდებელ და გამჭვირვალე საერთაშორისო გამოძიებას ითხოვენ

ევროპარლამენტის საგარეო ურთიერთობათა კომიტეტის თავმჯდომარე დევიდ მაკკალისტერი და ლიეტუველი ევროპარლამენტარი ანდრიუს კუბილიუსი ერთობლივ განცხადებას ავრცელებენ, სადაც რუს ოპოზიციონერ ალექსეი ნავალნის საქმესთან დაკავშირებით შეშფოთებას გამოხატავენ და აღნიშნული საქმის დამოუკიდებელ და გამჭვირვალე საერთაშორისო გამოძიებას ითხოვენ.

„გვსურს, ღრმა შეშფოთება გამოვხატოთ რუსეთის ანტიკორუფციული ფონდის დამფუძნებლის ალექსეი ნავალნის საქმის გამო, რომელიც 20 აგვისტოდან მედიკამენტურ კომაში იმყოფება, მას შემდეგ, რაც მძიმედ დაავადდა და ბერლინის Charité - Universitätsmedizin საავადმყოფოს მიერ ჩატარებული წინასწარი ტესტები მოწამვლაზე მიუთითებს. გვსურს ვუსურვოთ ნავალნის სრული და სწრაფი გამოჯანმრთელება, ჩვენ ასევე გვსურს მოვითხოვოთ საქმის დამოუკიდებელი და გამჭვირვალე საერთაშორისო გამოძიება, რათა პასუხისგებაში მიეცეთ ყველა ხელშემწყობი და დამნაშავე“, - აღნიშნულია განცხადებაში.

ევროპარლამენტარები აღნიშნავენ, რომ ნავალნის შემთხვევა რუსეთის პოლიტიკური ოპოზიციის მიმართ ძალადობის არც პირველი აქტი ყოფილა და არ უკანასკნელი.

„ნავალნის შემთხვევა რუსეთის პოლიტიკური ოპოზიციის მიმართ ძალადობის პირველი აქტი არ ყოფილა და რუსეთში ჟურნალისტების წინააღმდეგ მიმართული ფართომასშტაბიანი რეპრესიებისა და განსხვავებული აზრის დევნის დროს მოხდა. ეს საქმე, სამწუხაროდ, არც უკანასკნელი აღმოჩნდა, რადგან კიდევ ერთი წამყვანი რუსი ბლოგერი ეგორ ჟუკოვი, 30 აგვისტოს სასტიკად სცემეს, საკუთარ სახლთან მოსკოვში“, – ნათქვამია ევროპარლამენტარების განცხადებაში.

მათივე შეფასებით, საგანგაშოა ის ფაქტი, რომ ნავალნის შემთხვევა ჰგავს სერგეი სკრიპალისა და მისი ქალიშვილის, ასევე ალექსანდრ ლიტვინენკოს, ანა პოლიტკოვსკაიას და პიოტრ ვერზილოვის მოწამვლას. ევროპარლამენტარები რუსეთს მოუწოდებენ, პასუხისმგებლობით მოეკიდოს ნავალნის საქმის გამოძიებას და დამნაშავეები დასაჯოს.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო