ნათია თურნავას განცხადებით, სექტემბერში უკვე 70 ფრენაა დადასტურებული, რომელთაგან 30 რეგულარული ხასიათისაა

საქართველოს ეკონომიკისა და მდგრადი განვითარების მინისტრის ნათია თურნავას განცხადებით, სექტემბერში უკვე 70 ფრენაა დადასტურებული, რომელთაგან 30 რეგულარული ხასიათისაა. მინისტრის განმარტებით, ეტაპობრივად იქნება ფრენების რაოდენობის გაზრდის საშუალება იმის მიხედვით, თუ როგორი იქნება ეპიდემიოლოგიური ვითარება მსოფლიოში.

„ჩვენთვის არის მნიშვნელოვანი, რომ შევინარჩუნოთ ღია ცის პოლიტიკა და შესაძლებლობა, რომ ჩვენმა მოსახლეობამ იფრინოს თავისუფლად, მათ შორის, ხელმისაწვდომი ფასებით, მაგრამ დღეს, პირველ რიგში, უნდა დავიცვათ მთავარი მიღწევა - ჩვენი მოსახლეობის უსაფრთხოება ჯანდაცვის თვალსაზრისით, ეპიდემიოლოგიური კეთილსაიმედოება და ქვეყნის იმიჯი, როგორც უსაფრთხო ქვეყანა. თანდათან თქვენ ხედავთ, რომ ვზრდით ფრენების არეალს, მაგალითად სექტემბერში უკვე 70 ფრენაა დადასტურებული, რაც ჯერადობით მეტია, ვიდრე წინა თვეებში, როდესაც საერთოდ იყო სრული შეზღუდვა. აქედან 30- მდე არის რეგულარული საჰაერო ფრენა. მე ვფიქრობ, რომ ჩვენ თანდათან, ეტაპობრივად მოგვეცემა საშუალება, რომ გავზარდოთ ფრენები იმის პარალელურად, თუ მოგვარდება ეპიდემიოლოგიური ვითარება მსოფლიოში. ეს არ არის მხოლოდ ჩვენზე დამოკიდებული,“- განაცხადა თურნავამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს