აშშ-ის ქალაქ პორტლენდში ანტირასისტული საპროტესტო აქციის დროს სამართალდამცავებმა რამდენიმე დემონსტრანტი დააკავეს.
მედიის ინფორმაციით, პოლიციამ დაკავებები მას შემდეგ დაიწყო, რაც აქციის მონაწილეებმა მათ ქვები, ბოთლები და პიროტექნიკა დაუშინეს.
პოლიციის განცხადებით, მათ დემონსტრანტების წინააღმდეგ სამხედრო აღჭურვილობა ან ცრემლსადენი გაზი არ გამოუყენებიათ.
შეგახსენებთ, პორტლენდში დემონსტრაციები თითქმის სამი თვეა მას შემდეგ მიმდინარეობს, რაც 46 წლის ფერადკანიანი მამაკაცი ჯორჯ ფლოიდი პოლიციის ძალადობის შედეგად დაკავების დროს გარდაიცვალა. აქციის მონაწილეები საპოლიციო და სოციალური რეფორმების განხორციელებას მოითხოვენ.