გლდანში, საცხოვრებელი კორპუსის მე-4 სართულზე აფეთქება მოხდა
გლდანის მესამე მიკრორაიონში, გუშინ გვიან ღამით აფეთქება მოხდა. როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, აფეთქება 9-სართულიანი კორპუსის მეოთხე სართულზე მოხდა. შემთხვევას ნგრევა არ მოჰყოლია.
აფეთქება სავარაუდოდ, ბუნებრივი აირის გაჟონვამ გამოიწვია.
საგანგებო სიტუაციების მართვის სამსახურის ინფორმაციით, აფეთქებისას ცეცხლი საოჯახო ნივთებს გაუჩნდა.
