პროფესიულ პროგრამებზე ჩარიცხვის მსურველთა ტესტირება 5-6 სექტემბერს ჩატარდება

საქართველოს განათლების, მეცნიერების, კულტურისა და სპორტის მინისტრის მოადგილემ თამარ ქიტიაშვილმა, შეფასებისა და გამოცდების ეროვნული ცენტრის დირექტორთან სოფო გორგოძესა და ჯანდაცვის სამინისტროს შრომის პირობების ინსპექტირების დეპარტამენტის ხელმძღვანელთან ბექა ფერაძესთან ერთად, საქართველოს ეროვნულ უნივერსიტეტში (სეუს) განთავსებული პროფესიული ტესტირების საგამოცდო სივრცე დაათვალიერა და პირადად გაეცნო გამოცდის მონაწილეთა უსაფრთხოების მიზნით ჩატარებულ სამუშაოებს. აღნიშნულ ინფორმაციას განათლების სამინისტრო ავრცელებს.

თამარ ქიტიაშვილის განცხადებით, კორონავირუსის გავრცელების პრევენციის მიზნით, ტესტირებაში მონაწილეთა ჯანმრთელობის მაქსიმალური დაცვისა და პროცესის სრულყოფილად წარმართვისთვის, საგამოცდო ცენტრში ჯანდაცვის სამინისტროს ყველა რეკომენდაცია გათვალისწინებულია. ანალოგიურად მზადაა საქართველოს მასშტაბით არსებული საგამოცდო ცენტრები, სადაც აპლიკანტებს შექმნილი აქვთ ყველა პირობა იმუშაონ მშვიდ, კომფორტულ და უსაფრთხო გარემოში.

„პროფესიულ საგანმანათლებლო პროგრამებზე სწავლის მსურველთა რეგისტრაცია 20 მაისს დაიწყო და 10 აგვისტოს დასრულდა. იმ პროფესიულ პროგრამებზე, სადაც რეგისტრირებულ აპლიკანტთა რაოდენობა არ აღემატებოდა თავისუფალი ადგილების რაოდენობას, პროგრამებზე აპლიკანტების მიღება შიდა შერჩევის გზით მოხდა. იმ პროფესიულ პროგრამებზე კი, სადაც რეგისტრანტთა რაოდენობა თავისუფალი ადგილების რაოდენობას აღემატება, მსურველები პროფესიული ტესტირების გავლის შედეგად ჩაირიცხებიან.

პროფესიულ პროგრამებზე ჩარიცხვის მსურველთა ტესტირება 5 და 6 სექტემბერს ჩატარდება აპლიკანტებისთვის წინასწარ განსაზღვრულ საგამოცდო ცენტრებში. მანამდე კი, ყველა აპლიკანტს შესაძლებლობა აქვს ონლაინ ფორმატში გაეცნონ ტესტის ნიმუშებს და გაიარონ საცდელი ტესტირება სახლიდან გაუსვლელად, ონლაინ ფორმატში, შეფასებისა და გამოცდების ეროვნული ცენტრის ვებგვერდის საშუალებით - www.naec.ge”, - ნათქვამია ინფორმაციაში.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
ახალი სერვისი არააქტიური მოპოვების ლიცენზიის მფლობელებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“