მევლუთ ჩავუშოღლუ - ემანუელ მაკრონი „ისტერიული“ გახდა

თურქეთის საგარეო საქმეთა მინისტრი მევლუთ ჩავუშოღლუ აცხადებს, რომ ემანუელ მაკრონი ლიბიასა და სირიის კონფლიქტებთან და ხმელთაშუა ზღვის აღმოსავლეთ ნაწილის საზღვაო საზღვრების დავასთან დაკავშირებით „ისტერიული“ გახდა.

„ლიბიაში მათ (საფრანგეთმა) მხარი დაუჭირეს პუტჩისტ ჰაფთარს და სერიოზული შეცდომა დაუშვეს. მდგომარეობა შეიცვალა, ჰაფთარი დამარცხდა, მაკრონი ისტერიკაში ჩავარდა და კი ვერ მიხვდა, რა გაეკეთებინა. სწორედ ამის შემდეგ თქვა, რომ ჩვენმა გემებმა მათი გემები ხმელთაშუა ზღვის აღმოსავლეთ ნაწილში შეაწუხეს, თუმცა ამის დამტკიცება ვერ შეძლო და თავი დაიმცირა“, - განაცხადა თურქეთის საგარეო საქმეთა მინისტრმა.

მევლუთ ჩავუშოღლუს განცხადებით, საფრანგეთი არის ქვეყანა, რომელიც ხმელთაშუა ზღვის აღმოსავლეთ ნაწილში საბერძნეთის პროვოცირებას ყველაზე მეტად ახდენს. მან რეგიონში სტაბილურობის მისაღწევად პარიზს თურქეთთან თანამშრომლობისკენ მოუწოდა.

„საფრანგეთიდან ასეთი ისტერიული საქციელის საჭიროება არ არსებობს. ეს მათ სასაცილო მდგომარეობაში აგდებთ. ჩვენ ხომ ნატო-ს წევრი ორი ქვეყანა ვართ,“- აღნიშნა მევლუთ ჩავუშოღლუმ.

თურქეთსა და საფრანგეთს შორის ურთიერთობა ბოლო დროს სირიისა და ლიბიის კონფლიქტებთან დაკავშირებული პოლიტიკის საკითხებზე, ასევე თურქეთსა და საბერძნეთს შორის ენერგორესურსებზე მიმდინარე დავასთან დაკავშირებით დაიძაბა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს