აშშ-ის ქალაქ პორტლენდში, სადაც ჯორჯ ფლოიდის მკვლელობის გამო აქციები 100 დღეზე მეტია იმართება, პოლიციასა და დემონსტრანტებს შორის მორიგი დაპირისპირება მოხდა. აქციის მონაწილეები კენტონის პარკთან შეიკრიბნენ და პორტლენდის პოლიციის ასოციაციის შენობისკენ მსვლელობა გამართეს, სადაც სამართალდამცავებს დაუპირისპირდნენ. მედიის ინფორმაციით, პოლიციამ რამდენიმე აქტივისტი დააკავა.
პორტლენდში დემონსტრაციები თითქმის სამი თვეა მას შემდეგ მიმდინარეობს, რაც 46 წლის მამაკაცი ჯორჯ ფლოიდი პოლიციის ძალადობის შედეგად დაკავების დროს გარდაიცვალა. აქციის მონაწილეები საპოლიციო და სოციალური რეფორმების განხორციელებას მოითხოვენ.