ბელარუსის საპროტესტო აქციების ერთ-ერთი ლიდერი, მარია კოლესნიკოვა დაუდგენელმა პირებმა მინივენში ჩასვეს და გაურკვეველი მიმართულებით წაიყვანეს, - ამის შესახებ ინფორმაციას სააგენტო Tut.By-ი თვითმხილველზე დაყრდნობით ავრცელებს.
როგორც წყარომ სააგენტოს განუცხადა, საპროტესტო აქციების ერთ-ერთი ორგანიზატორი მინსკის ცენტრში დააკავეს. კოლესნიკოვას თანაგუნდელები აცხადებენ, რომ მისი დაკავების შესახებ ინფორმაციას ამოწმებენ. მინსკის პოლიციამ კი რუსულ საინფორმაციო სააგენტო Interfax-ს განუცხადა, რომ კოლესნიკოვა მათ უწყებას არ დაუკავებია.
ცნობისათვის, ბელარუსის საპროტესტო აქციების კიდევ ერთმა აქტივისტმა ოლგა კოვალკოვამ ორი დღის წინ ქვეყანა დატოვა და პოლონეთს შეაფარა თავი. კოვალკოვას განმარტებით, ბელარუსში დარჩენის შემთხვევაში მას დაპატიმრება ემუქრებოდა.