თამარ ბაჩალიაშვილის საქმის გამოძიებაში „ადამიანის უფლებათა ცენტრი” ჩაერთვება

თამარ ბაჩალიაშვილის საქმეში „ადამიანის უფლებათა ცენტრი” ჩაერთვება. როგორც ჟურნალისტებს „ადამიანის უფლებთა ცენტრის” იურისტმა, ექა ქობესაშვილმა განუცხადა, ბაჩალიაშვილის საქმეში ბევრი პასუხგაუცემელი კითხვაა.

“ორგანიზაცია მიიჩნევს, რომ საქმეთან დაკავშირებით არის ძალიან ბევრი პასუხგაუცემელი კითხვა. საგამოძიებო ორგანომ არ იმუშავა ისე ეფექტურად, როგორც ამ საქმეზე უნდა ემუშავა. აქამდე უნდა ყოფილიყო საქმეზე დადგენილი ჭეშმარტება. მიგვაჩნია, რომ საქმე არის გამოსაძიებელი. ჯერ კიდევ, ძალიან ბევრ კითხვას აქვს პასუხი გასაცემი და აღნიშნულიდან გამომდინარე, უფლებადამცველთან შეთანხმებით, ორგანიზაციამ მიიღო გადაწყვეტილება, რომ ჩაერთოს საქმეში, გავეცნობით საქმის მასალებს და სადაც გახდება სამართლებრივი დახმარება საჭირო მივიღებთ შესაბამის ზომებს. მინდა აღვნიშნო, რომ „ადამიანის უფლებათა ცენტრი” გამოიყენებს ყველა შესაძლობლას, რომ ამ საქმეზე დადგეს ჭეშმარიტება”, - განაცხადა ექა ქობესაშვილმა.

ინფორმაციისთვის, ამ წუთებში, თბილისის პროკურატურაში თამარ ბაჩალიაშვილის საქმის ადვოკატი მიხეილ რამიშვილი და „ადამიანის უფლებათა ცენტრის” იურისტი ეკა ქობესაშვილი დრონით გადაღებულ ჩანაწერებს ეცნობიან.