„ალდაგში“ ავტო ოპტიმუმით დაზღვეულებს უფასო რეცხვის 25-მდე ვაუჩერი და მანქანისთვის საჭირო სხვა საჩუქრები გადაეცემათ
„ალდაგში“ ავტო ოპტიმუმით დაზღვეულებს უფასო რეცხვის 25-მდე ვაუჩერი და მანქანისთვის საჭირო სხვა საჩუქრები გადაეცემათ. როგორც „ინტერპრესნიუსს“ „ალდაგიდან“ აცნობეს, ვაუჩერების საშუალებით, „ალდაგში“ დაზღვეულები შეძლებენ, საკუთარი მანქანა გრინვოშის ქსელის ნებისმიერ სამრეცხაოში, მომსახურე პერსონალთან კონტაქტის გარეშე გარეცხონ.
მათივე ცნობით, ავტო ოპტიმუმი „ალდაგის“ ახალი პროდუქტია, რომელიც პანდემიის პერიოდში შეიქმნა და იდეალურია მაღალბიუჯეტიანი ზარალის თავიდან ასაცილებლად.
„ოპტიმუმი მცირე ფრანშიზის (თანამონაწილეობის) გათვალისწინებით, სტანდარტულ ფასზე ორჯერ ნაკლები ღირს. ზარალის დადგომისას, დაზღვეული მხოლოდ ფიქსირებულ ფრანშიზას - 500 ლარს იხდის, ხოლო დარჩენილ ფინანსურ ხარჯს მთლიანად სადაზღვევო კომპანია ანაზღაურებს. ოპტიმუმი ყველა არსებულ რისკს ფარავს - იქნება ეს ავტოსაგზაო შემთხვევა, ხანძარი, აფეთქება, გარეგანი დაზიანება, ქურდობა თუ სტიქიური უბედურებები.
გარდა ამისა, ავტო ოპტიმუმს სხვა სასარგებლო საჩუქრებიც მოყვება, მათ შორის ფასდაკლებები საწვავზე, ავტოდახმარება გზებზე და ფასდაკლებები ავტომობილის ნაწილებზე“, - ნათქვამია ინფორმაციაში.
