ახალგაზრდობის სააგენტომ ეკონომიკის სამინისტროს მხარდაჭერით მესამე ჩარტერული რეისი დააორგანიზა, რომელიც დღეს ბუდაპეშტის მიმართულებით შესრულდა

პრემიერ-მინისტრის დავალებით, ახალგაზრდობის სააგენტომ ეკონომიკის სამინისტროს მხარდაჭერით მესამე ჩარტერული რეისი დააორგანიზა, რომელიც დღეს ბუდაპეშტის მიმართულებით შესრულდა.

როგორც „ინტერპრესნიუსს“ ახალგაზრდობის სააგენტოდან აცნობეს, ვინაიდან უნგრეთს, პანდემიის პირობებში, ქვეყნის საჰაერო და სახმელეთო საზღვრები ჩაკეტილი აქვს, აღნიშნული რეისი გამონაკლისის სახით, საქართველოს საგარეო საქმეთა სამინისტროსა და საქართველოში უნგრეთის საელჩოს უშუალო ჩართულობით, სახელმწიფოთა შორის მოლაპარაკებების დონეზე განხორციელდა.

„ახალგაზრდობის სააგენტოს ხელმძღვანელმა რეზო ჩარკვიანმა, უნგრეთის ელჩთან ვიქტორია ჰოვარტთან, ასევე საელჩოს მისიის ხელმძღვანელის მოადგილესთან ანიკო ფარკაშთან და განათლების საერთაშორისო ცენტრის ხელმძღვანელთან ნინო ჭელიძესთან ერთად დღეს თბილისის საერთაშორისო აეროპორტში უნგრეთში მიმავალი სტუდენტები გააცილა.

დღევანდელი რეისით ბუდაპეშტში წავიდნენ უნგრეთის სხვადახვა უნივერსიტეტის ბაკალავრისა და მაგისტრის საფეხურის ასევე დოქტორანტურის 80 –მდე სტუდენტი, მათ შორის განათლების საერთაშორისო ცენტრისა და უნგრეთის საელჩოს ერთობლივი სასტიპენდიო პროგრამის „სტიპენდიუმ ჰუნგარიკუმის“ სტიპენდიატები და ევროპის სხვადასხვა ქვეყნის სტუდენტები, რომლებიც რეისით ტრანზიტულად სარგებლობენ. რეისი დღეს ავიაკომპანია „მაივეი ეარლაინსმა“ შეასრულა.

შეგახსენებთ, რომ საქართვლოს მთავრობის მიერ დადგენილი სუბსიდირებული ჩარტერული სამივე რეისით ჯამში 400–მდე ახალგაზრდამ ისარგებლა”, - ნათქვამია ინფორმაციაში.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება