ბადრი ჯაფარიძე - რეფორმების გატარებისთვის აუცილებელია ცოდნა და უნარები

“ლელო საქართველოსთვის” ერთ-ერთი ლიდერის, საბურთალოს ოლქში მაჟორიტარობის კანდიდატის ბადრი ჯაფარიძის განცხადებით, „ლელო“ პარტიულ პროპორციულ სიას ისეთი პრინციპით დააკომპლექტებს, როგორც მაჟორიტარების შერჩევისას.

ჯაფარიძის თქმით, პარტიის მთავარი მოთხოვნა კომპეტენცია, საქმიანი მახასიათებლები და ბიოგრაფიაა.

„ლელოს” ძირითადი კრიტერიუმი სიის დაკომპლექტების პროცესში, ისევე, როგორც ეს იყო მაჟორიტარული კანდიდატის შერჩევისას, იქნება კომპეტენცია, ბიოგრაფია, საქმიანი მახასიათებლები. ბუნებრივია, გათვალისწინებული იქნება შიდა პარტიული რეიტინგები და ის ცოდნა და უნარები, რომელიც ქვეყანაში მნიშვნელოვანი რეფორმების გატარებისთვის არის აუცილებელი. ჩვენ ყველა სფეროში გვყავს კომპეტენტური და გამორჩეული ადამიანები. პროფესიონალების გუნდი, რომელიც საშუალებას მოგვცემს, ძლიერი პარტიული სიით წარვსდგეთ ჩვენი ამომრჩევლის წინაშე”, - განაცხადა ჯაფარიძემ.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს