ავღანეთის ვიცე-პრეზიდენტის ავტოკოლონაზე თავდასხმა განხორციელდა, დაღუპულია 4 ადამიანი
ავღანეთის ვიცე-პრეზიდენტის, ამრულა სალეჰის ავტოკოლონაზე თავდასხმა განხორციელდა, - ამის შესახებ ინფორმაციას „როიტერსი“ ავრცელებს.
სააგენტოს ცნობით, ქაბულში გზის პირას დამონტაჟებული ბომბი მაშინ აფეთქდა, როდესაც ამრულა სალეჰი დაცვის წევრებთან ერთად გადაადგილდებოდა.
თავდასხმის შედეგად დაიღუპა ოთხი და დაშავდა 20-მდე პირი, მათ შორის ვიცე-პრეზიდენტის დაცვის რამდენიმე წევრი.
რაც შეეხება ამრულა სალეჰს, ის თავდასხმას უვნებლად გადაურჩა.
მომხდარზე პასუხისმგებლობა ჯერჯერობით არავის აუღია.
v-if="article.gallery" v-html="article.gallery"
15.07.2025 / 00:08
-140 წუთის წინ
14.07.2025 / 09:02
