ჯანდაცვის სამინისტრო და ეპიდემიოპლოგები ვიქნებით მაქსიმალურად მოქნილები იმისთვის, რომ საარჩევნო პროცესს არ შეექმნას არანაირი რისკი, - ამის შესახებ ჯანდაცვის მინისტრმა ეკატერინე ტიკარაძემ უწყებათაშორისო საკოორდინაციო საბჭოს სხდომის დასრულების შემდეგ განაცხადა.
მისი თქმით, ამ მიმართულებით მუშაობა საერთაშორისო პარტნიორებთან და ცესკო-სთან ერთად მიმდინარეობს.
„ჯანდაცვის სამინისტრო და ეპიდემიოლოგები ვიქნებით მაქსიმალურად მოქნილები იმისთვის, რომ საარჩევნო პროცესს არ შეექმნას არანაირი რისკი, ჩვენმა ყველა მოქალაქემ შეძლოს, დააფიქსიროს თავისი სურვილი იმასთან მიმართებით, თუ როგორი მთავრობა და ხელისუფლება წარმოუდგენია მას შემდეგი 4 წლის განმავლობაში,“- განაცხადა ეკატერინე ტიკარაძემ.