ნებაყოფლობით სასამართლო მედიაციასთან ერთად სავალდებულო სასამართლო მედიაცია ამოქმედდა

სამოქალაქო კანონმდებლობაში განხორციელებული ცვლილებების თანახმად, ნებაყოფლობით სასამართლო მედიაციასთან ერთად სავალდებულო სასამართლო მედიაცია ამოქმედდა. აღნიშნულის შესახებ „ინტერპრესნიუსს“ თბილისის საქალაქო სასამართლოდან აცნობეს. როგორც მათ ინფორმაციაშია აღნიშნული, მოსამართლეებს საქმეში არსებული გარემოებების შეფასების შემდეგ დისკრეციული უფლებამოსილების ფარგლებში შესაძლებლობა აქვთ, საქმე განსახილველად მედიატორს გადასცენ, მათ შორის, მხარეთა თანხმობის გარეშე.

„2020 წლიდან სამოქალაქო კანონმდებლობაში განხორციელებული ცვლილებების თანახმად, ნებაყოფლობით სასამართლო მედიაციასთან ერთად ამოქმედდა სავალდებულო სასამართლო მედიაცია, რომლის თანახმადაც მოსამართლეებს საქმეში არსებული გარემოებების შეფასების შემდგომ, დისკრეციული უფლებამოსილების ფარგლებში აქვთ შესაძლებლობა საქმე განსახილველად მედიატორს გადასცენ, მათ შორის, მხარეთა თანხმობის გარეშე. სტატისტიკური მონაცემების თანახმად, წელს სასამართლო მედიაციას გადაეცა უკვე 21 საქმე, რომელთაც საქართველოს მედიატორთა ასოციაციაში გაწევრიანებული მედიატორები იხილავენ.

COVID -19 პანდემიის პირობებში, სასამართლო მედიატორების საქმიანობამ დისტანციურ რეჟიმში გადაინაცვლა და მედიატორთა ძალისხმევით დავის მონაწილე მხარეებს შორის 4 წარმატებული სამედიაციო შეთანხმება შედგა (2 ნებაყოფლობითი და 2 სავალდებულო).

მნიშვნელოვანი სიახლე ეხება კერძო მედიაციასაც, მხარეთა სურვილის შემთხვევაში სასამართლოსადმი განცხადებით მიმართვის საფუძველზე, ახლა უკვე შესაძლებელია მიღწეული შეთანხმებების აღსრულება.

,,მედიაციის შესახებ საქართველოს კანონის“ ამოქმედების შემდგომ, არასასამართლო სამედიაციო ფორმატით მხარეებს შორის შრომითი ურთიერთობების დავაზე პირველი მორიგება შედგა. სასამართლომ შეამოწმა მხარეებს შორის მიღწეული მორიგების აქტის კანონშესაბამისობა, მისი აღსრულების შესაძლებლობა და მიიღო განჩინება მორიგების აქტის აღსრულების თაობაზე“, - ნათქვამია საქალაქო სასამართლოს მიერ გავრცელებულ ინფორმაციაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ გადავჭრათ „ნამახვანჰესის“ პრობლემა?
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით