ნინო ლომჯარიას განცხადებით, შემოწმებულ 143 საჯარო ბაგა-ბაღში როგორც ინფრასტრუქტურის, ასევე ადამიანური რესურსის თვალსაზრისით პრობლემები დაფიქსირდა

სახალხო დამცველის ნინო ლომჯარიას განცხადებით, თბილისსა და 51 მუნიციპალიტეტში შემოწმებულ 143 საჯარო ბაგა-ბაღში როგორც ინფრასტრუქტურის, ასევე ადამიანური რესურსის თვალსაზრისით მთელი რიგი პრობლემები დაფიქსირდა.

მისი თქმით, კვლევა, რომელიც 2020 წლის გაზაფხულამდე პერიოდს ეხება, ცხადყოფს, რომ კვების მიმართულებით პროგრესის მიუხედავად, ბაღებში პრობლემაა ინფრასტრუქტურის, სუფთა და თბილი წყლის ხელმისაწვდომობის, სათამაშოების მიზნობრიობისა და ოდენობის, ეზოების მოწყობის, ადამიანური რესურსის ნაკლებობისა და ასევე შშმ ბავშვთა ხელმისაწვდომობის თვალსაზრისით.

როგორც ლომჯარიამ ჟურნალისტებს განუცხადა, შემოწმებული ბაღების 70% -ზე მეტში სათამაშოების ნაკლებობაა, თითქმის, ნახევარზე მეტში ეზოები არ იყო კეთილმოწყობილი.

„ჰიგიენის თვალსაზრისითაც არის პრობლემები. თბილი წყლით მომარაგება არის პრობლემური და ასევე პრობლემატურია ძალადობის პრევენციის თვალსაზრისით გადამზადება და მომზადება, ძალადობის ფაქტების გამოვლენის მიმართულებით. იქ დასაქმებულ პირებს არ აქვთ შესაბამისი ცოდნა და მომზადება. ჩვენ ყოველთვის ვამოწმებთ რამდენადაა პერსონალი მომზადებული და ინფორმირებული როგორ მოახდინოს ძალადობის იდენტიფიცირება და მასზე რეაგირება. სამწუხაროდ, დავაფიქსირეთ, რომ ხშირ შემთხვევაში, მომზადებაგავლილი დასაქმებული პერსონალი და არც დირექტორები არიან ინფორმირებულებები ძალადობის შემთხვევისას პროცედურებზე", - განაცხადა ლომჯარიამ.

მისივე თქმით, ბაღებში პრობლემაა ფართების სიმცირე და ჯგუფების გადატვირთულობა.

რაც შეეხება შეკითხვას, რამდენად არიან დღეს სკოლამდელი აღზრდის დაწესებულებები მზად ახალი სააღზრდელო პროცესის დასაწყებად, ლომჯარიას თქმით, აღმოჩენილი პრობლემების მასშტაბურობიდან გამომდინარე, მას არ აქვს ინფორმაცია, რამდენად შესაძლებელი იყო ამ პრობლემების რამდენიმე თვეში მოგვარება.

ამასთან, ლომჯარიას თქმით, მათ „ბავშვთა კოდექსის“ მიღების შემდეგ კერძო ბაგა-ბაღების შემოწმების კომპეტენციაც აქვთ, თუმცა ამ მიმართულებით კვლევა ჯერჯერობით არ ჩაუტარებიათ.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე