სერგო რატიანი - ია კერზაიას ტრაგედიის შემთხვევაში, ხელისუფლების წარმომადგენლები დარჩნენ დაუსჯელები და ახლა ფართომასშტაბიან  შეტევას ახორციელებენ სკოლის დირექტორებზე

ია კერზაიას ტრაგედიის შემთხვევაში, ხელისუფლების წარმომადგენლები დარჩნენ დაუსჯელები და ახლა ფართომასშტაბიან შეტევას ახორციელებენ სკოლის დირექტორებზე, -ამის შესახებ „ევროპული საქართველოს“ მაჟორიტარობის კანდიდატმა საჩხერის, ჭიათურისა და ხარაგაულის ოლქში, სერგო რატიანმა განაცხადა.

სერგო რატიანის თქმით, ხელისუფლება წინასაარჩევნოდ, შერჩევითი სამართალით, ათავისუფლებს სკოლის დირექტორებს და ნიშნავს საკუთარ რჩეულ დირექტორებს ამ პოზიციაზე.

რატიანმა აღნიშნა, რომ ია კერზაიას საქმეზე ხელისუფლების წარმომადგენლების დაუსჯელობამ წაახალისა ამგვარი ზეწოლა სკოლის დირექტორებზე.

„ხელისუფლებამ გაათავისუფლა ყველა დირექტორი, რომელიც დანიშნული იყო 2014 წელს. მათ არ ჩაატარეს წელს ატესტაცია, რითაც მოუსპეს საშუალება ყოფილ სკოლის დირექტორებს გასულიყვენ კონკურსში და მისცემოდათ საშუალება, მეორედ ყოფილიყვნენ არჩეულნი.

სამაგიეროდ, მათ რჩეულ დირექტორებს ნიშნავენ ფაქტობრივად მოვალეობის შემსრულებლად, რაც არის შერჩევითი სამართალი. უნდა ითქვას ასევე, რომ ეს არის შედეგი იმისა, რომ ია კერზაიას ტრაგედიის შემთხვევაში, ხელისუფლების წარმომადგენლები დარჩნენ დაუსჯელები და ახლა ფართომასშტაბიან შეტევას ახორციელებენ სკოლის დირექტორებზე. ეს ხდება ყველგან და აჩვენებს იმას, რომ ხელისუფლება გრძნობს, რომ აგებს არჩევნებს და აქვთ სრული აგონია.“ - განაცხადა სერგო რატიანმა.

ინფორმაციას „ევროპული საქართველოს“ პრესსამსახური ავრცელებს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ გადავჭრათ „ნამახვანჰესის“ პრობლემა?
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით