მერიის ინფორმაციით, ვაკის რაიონს ორი ახალი დასასვენებელი სივრცე შეემატა

ვაკის რაიონის გამგეობის ინფრასტრუქტურული პროექტების ფარგლებში, კეთილმოწყობილი დასასვენებელი სივრცეების შექმნა გრძელდება. ამ დროისთვის, ნუცუბიძის N179-ში პროექტი უკვე დასრულდა, ჭავჭავაძის N 83-ში კი - მიმდინარეობს.

როგორც „ინტერპრესნიუსს“ თბილისის მერიიდან აცნობეს, მიმდინარე სამუშაოებს ადგილზე ვაკის რაიონის გამგებელის მოვალეობის შემსრულებელი დავით კვინიკაძე გაეცნო.

პროექტებით, შემოღობილ სივრცეებში გათვალისწინებულია სხვადასხვა საპარკე ავეჯის, დასასვენებელი პავილიონის დამონტაჟება, საბავშვო-გასართობი მოედნების მოწყობა ატრაქციონებით, განათების და სარწყავი ქსელების გაყვანა, ყვავილების და ბალახის დარგვა.

მათივე ინფორმაციით, მნიშვნელოვანია, რომ საბავშვო მოედნების საფუძველზე ეწყობა ჰიდროიზოლაცია და დრენაჟი, რაც ტერიტორიაზე წვიმის დროს წყლის დაგროვებას გამორიცხავს.

ორივე პროექტის ჯამური ღირებულება 364 000 ლარს შეადგენს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით